近日內地瘋傳48歲洪欣嘅老公張丹峰出軌，跟經理人畢瀅搭上，網絡流出二人於酒店房間獨處3小時影片，期間畢瀅進入房前後換埋褲，張丹峰事後稱：「很正常，捕風捉影。」嘗試為自己辯護。但係4月10日又再有新短片流出，事情似乎唔係咁簡單，今次畢瀅身穿睡袍，並於張丹峰房間內留咗超過7小時，行為唔係一般工作傾談，亦唔似藝人同經理人嘅關係。
（洪欣與老公張丹峰,張丹峰微博圖片）
最新流傳短片入面，張丹峰、助手仲有畢瀅完成工作後，晚上10點一齊返酒店，畢瀅先假裝返自己房間，等助手都返左自己房，過多10分鐘之後，佢再換上睡袍，小心翼翼地到張丹峰房，二人相處長達7小時，直到凌晨畢瀅先離開。離奇嘅係本來身穿黑色貼身褲嘅畢瀅，出嚟換咗條藍色鬆身褲。
（張丹峰私下與經理人畢瀅親密，曾為她單獨慶生,張丹峰微博圖片）
（最新影片曝光，張丹峰與經理人洒店密會）
（最新影片曝光，張丹峰與經理人洒店密會）
（最新影片曝光，張丹峰與經理人洒店密會）
近幾日此事鬧得滿城風雨，大家都好心痛洪欣處境，佢一直無公開回應老公疑似岀軌事件，只係默默將自己微博上夫婦合照刪除，獨留下數張團體照有張丹峰身影，似乎話畀人知佢想劃清界線。
(洪欣微博怒刪同老公張丹峰合照，只剩下數張，洪欣微博圖片）
洪欣「潛水」唔回應，反而係舊愛莫少聰於微博發文，佢表示：「偷偷種刺的人，身邊滿是荊棘；見不得人好，最終受害的還是自己。喜歡送花的人，周圍滿是鮮花，送人玫瑰，手留餘香能成就別人，才是成就自己的最好辦法。」疑似叫洪欣放過他人，亦放過自己。亦有網友解讀那句「見不得人好，最終受害的還是自己」係「抽水」同「食花生」，莫少聰是暗諷洪欣早年分手後於網上抹黑佢，大罵佢係負心漢，搞到佢受千夫所指，到而家都係形象插水，現時洪欣婚變只係因果報應。你哋又點解讀莫少聰此番説話呢？
(莫少聰微博圖片）
(莫少聰微博圖片）