一田購物優惠日 精選貨品1折尋寶

黛安同一般港人一樣熱愛購物，最近收到風，半年一度嘅一田購物優惠日將於下周四（23日）起一連5日於旗下11間分店同8個特別展場開鑼。今年新增3大「尋寶區」，包括「1折震撼區」、「$99筍貨區」同「3折起電視區」，另有5大勁減主題，包括「3折起受賞級美食」、「30大萌爆Character」、「$400有找獨家防曬美白套裝」、「17折起高性能名牌廚具」同「16折起夏日消暑Outing裝備」，合共過萬件精選貨品。

黛安見優惠多籮籮，但相信最受主婦歡迎嘅，應該係LE CREUSET Palm 22cm琺瑯鑄鐵淺底鍋，因33折只需$980；SHARP 60" 4K Smart TV亦有26折，只需$5,990；而「$99筍貨區」中有女士美容之選嘅ORLANE全效排毒明眸筆，真係好吸引！

超市食材亦唔例外，台灣老媽拌麵$88兩包，日本廣島蠔2L（約1KG）$99一包。9件精選貨品如午後紅茶、八道牛骨湯麵等，如原箱購入，可先買後取貨，方便大家血拼！一田百貨行政總裁黃思麗話，去年11間分店共吸引逾百萬人流，相信今年與去年相若，預計優惠日營業額上升5至8%。