今日就係情人節，祝天下有情人幸福快樂！香港娛樂圈中有唔少恩愛模範夫妻，相信女士都好羨慕已婚女明星身邊有位愛錫佢哋嘅好老公，其實只要愛對人，每日都係情人節。喺呢個甜蜜嘅日子，一齊睇下呢幾對明星夫妻有幾恩愛啦！
張繼聰 謝安琪
剛結婚時，這對夫婦是「女強男弱」，謝安琪憑《喜袩街》爆紅，繼而再榮登樂壇天后時，張繼聰事業卻處於低迷，還被冠上食軟飯形象，張繼聰更因巨大壓力患上抑鬱症。不過張繼聰近年在影視方面屢獲佳績，二人又一起渡過不少難關，謝安琪生囡囡被大眾嘲笑佢暴肥時，張繼聰站岀來為太太護航。
在結婚十週年時，他更於社交網絡發表愛妻宣言「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿。」張繼聰和謝安琪還不時在IG放閃，上傳家庭合照，真係好sweet。
劉青雲 郭藹明
劉青雲同郭藹明呢對圈中模範夫妻，自94年拍拖，98年6月17日拉埋天窗，結婚20年依然恩愛甜蜜。劉青雲更不時公開發表愛妻宣言，憑電影《竊聽風雲3》奪最佳男主角，佢在台上一席話：「多謝我太太（郭藹明），每次當我揸住太空船，飛到宇宙唔知邊度，你總有辦法令我安全返回地球。」搞到台下郭藹明淚如泉湧，都令所有香港市民記憶深刻。
青雲亦曾公開大讚太太：「佢係我人生最好的禮物」而郭藹明好識做，事事以老公行先，自結婚後為專心陪伴老公而息影，試過《大時代》係TVB重播，一眾演員被炒熱，當時就有唔少人邀請郭藹明復出，但佢因爲老公青雲而拒絕：「一定要就咗老公檔期先，怕困身陪唔到老公，所以傾唔成！」
張智霖 袁詠儀
張智霖同袁詠儀於1993年拍攝電影《邊城浪子》認識，當年佢哋並非門當戶對，靚靚比Chilam紅好多，袁詠儀曾奪香港小姐冠軍同第12屆香港電影金像獎最佳新人獎，Chilam只因唱了一首《現代愛情故事》而小有名氣，知名度同人氣仍同靚靚有所差距，但靚靚從來無嫌棄過張智霖，依然選擇同佢結婚。後來Chilam憑《十月初五的月光》初哥哥一角彈起，2013年，《衝上雲霄II》Cool魔一角更把Chilam事業推上巔峰，嗰時已無人再認為佢地係女尊男卑。
二人結婚多年，感情一直恩愛甜蜜，不時係社交網絡放閃，之前結婚十七週年，Chilam更上傳甜蜜十指緊扣拖手背影照。
靚靚係一個超愛買手袋嘅人，搞到身邊的藝人朋友都稱佢為「買包婆」，可見佢對手袋的熱愛！但Chilam從無一句怨言，更成日買手袋比太太氹佢開心，仲擔心有一日佢唔喺度，靚靚會唔夠錢洗，真係非常寵愛太太！
應采兒 陳小春
陳小春由出道以來，出名性格暴躁火爆，遇上妻子應采兒之後，性格變得溫和起來，成為模範嘅「愛妻號」！陳小春曾講過佢從小就鐘意愛笑嘅女生，「我本身就不太愛說話，笑也不多，遇見丁丁（應采兒）後，她很多時候都在笑，我就覺得蠻甜的。」他更說道:「只要有她在，我就覺得幸福快樂，為她做再多事又何妨！」
雖然二人年齡相差16歲，感情十分恩愛，兩夫妻在節目上更多次公開發表「愛的宣言」。陳小春曾係節目講：「現在我的生活離不開老婆，每天早上醒過來的時候沒看到她一眼，心裡都覺得不安樂。」早前應采兒同陳小春更齊齊上內地綜藝節目《妻子的浪漫旅行》，大派閃光蛋之餘又搵真銀！