【安心偷食】終於蒲頭！黃心穎包到冚避走美國 狼狽甩Cap帽衝住走

上周二爆出「安心偷食」轟動全城，男主角許志安即日召開記者會爆喊道歉，並宣布暫停所有工作。黃心穎男友馬國明亦於翌日開腔回應事件，相反女主角黃心穎潛水，無綫高層樂易玲曾透露心穎現在情緒唔穩定，要家姐陪伴左右。之前有傳佢匿喺加拿大避世，又有傳媒影到疑似心穎喺鯉魚門家中崩潰狂哭，但由於「唔見樣」，有網民質疑其實係家姐心美。

{{hket:inline-image name="1499773532_86e0.jpg"}}{{/hket:inline-image}}

兩姊妹好似樣！

終於喺今早香港時間11時40分黃心穎被影到打扮低調現身洛杉機機場，佢着住黑色衛衣同卡其色褲，全程戴住黑色cap帽同口罩，遮蓋近乎80%面部。黃心穎由友人陪同步出機場時不慎跌cap帽，非常狼狽。黃心穎被問到去美國是否避世、有冇同Sammi同馬國明道歉、同馬國明依家仲係咪情侶關係等問題，黃心穎一概冇回應，只是低着頭，拖住行李衝住走上的士。

{{hket:inline-image name="7.jpg"}}{{/hket:inline-image}}

Cap帽Look現身。

黃心穎行裝唔算多，只有一個行李箱、手提袋同背囊。原本打算搭𨋢上一層乘坐Uber，但未知係咪被記者追問唔耐煩，又突然轉身向女友人說：「坐Taxi。」等候的士期間記者再上前追問，有沒有擔心自己將來的事業？她即拉低cap帽，然後再擰轉身避鏡頭，之後一直狂撳手機，而同行的女友人向記者講：「佢唔會講嘢㗎喇。」

{{hket:inline-image name="43914552_241477753197117_6105481436543608861_n.jpg"}}{{/hket:inline-image}}

排隊約五分鐘，黃心穎一支箭先上的士，由司機同女友人拎行李到車尾箱就火速離開。

{{hket:inline-image name="8.JPG"}}{{/hket:inline-image}}

黃心穎家姐黃心美多日嚟都成為箭靶，今日佢都終於更新自己嘅IG。打咗一個手瓜嘅Emoji疑似為妹妹打氣，未知係咪黃心穎離開香港令佢鬆一口氣。