青年廣場化身Art Space 潮睇大戲品味交響樂

想做合格文藝青年，當然要經常吸收藝術氣息。黛安收到風，知道柴灣青年廣場嚟緊下個月4號至22號，會同青年戲曲新秀碧海粵劇團、香港青年藝術協會、澳門青年交響樂團等藝團合作，將場地化身做「Art@青年廣場」，市民只要係本月底前到官網登記，就有得免費睇大戲、聽交響樂啦。

黛安最推介青年粵劇劇場嘅《智破白骨洞》，呢套劇用上西洋樂做特別音效，加上熒光戲服，將中外元素mix and match。同場仲有外展戲曲工作坊，畀大家一試踏台板滋味。詳情可以瀏覽︰http://www.youthsquare.hk/chi/hot-news/309/。