7-Eleven換小木偶愛麗絲旅行袋 迪士尼卡通陪你遊世界

去旅行買手信同好姊妹開心Share，一定係指定動作啦。黛安平時去日本，都鍾意逛下藥粧店掃貨，去到機場都要把握最後機會買和菓子、煎餅等小食返香港，同成班同事分享。不過買得開心，自然拎得費心，買到一袋二袋，回程上機嗰時都幾頭痕。好彩早排黛安喺7-Eleven搵到最新「收納神器」-迪士尼限量版旅行收納袋！

呢款旅行袋以迪士尼經典角色做主題，一式兩款印上「愛麗絲」和「小木偶皮諾丘」圖案，仲繡埋有角色名嘅織嘜章，細節夠曬突出，實用功能都晒滿分。只要輕輕一捲，就可以將行李袋收起變身「行李帶」，箍住行李箱夠晒搶眼，每次落機都可以馬上認到自己個行李，去掃貨自然快人一步啦。想增加收納空間嘅話，只要拉開行李帶上嘅魔術貼，一秒就可以變身做側揹旅行袋，肩帶帶扣仲可以自由調節，用嚟做行街時嘅shopping bag，定係hand carry都非常方便。

想得到咁夢幻又有紀念價值嘅收納袋，即日起至下個月28日光顧7-Eleven，購物滿20元就可有1個印花，之後每10元再送多1個印花，儲齊5個印花加55元，就可以換到啦。不過要留意，今次換袋係「隨機換購」，數量有限，每位顧客限換2件，想換到心頭好就快啲努力儲印花啦。