今年1月，白田邨怪住客定期敲牆，造成噪音滋擾，鄰居倒屎反擊，經《東張西望》報導後有關部門瞬速介入跟進；3月，美東邨又起波瀾，有名婆婆不僅製造噪音，還揚言放火燒死鄰居，血債血償，單親母女終日苦不堪言，事後婆婆已送院治療，康復有望，大家都重獲安寧。自從經過2單求助成功例子，不少人有民生問題、社會問題都會請求《東張西望》做採訪，公開問題，讓政府有關部門正視。最近節目再接到白田邨與秀茂坪邨居民求助，指有狂徒在大堂範圍張貼恐嚇字條如死亡筆記，晚上腳踢他人住宅大門，令大家人心惶惶。為了揭發真相，節目再次派出攝製隊去勇闖狂徒家，終於成功破案。不少網民都大讚《東張西望》工作人員果然好有膽識，愈睇愈為他們的人身安全擔心；又建議有精神病的住客應該早有接受治療，別讓公屋變精神病邨。
狂徒瘋狂大叫兼有打人 引居民劇烈恐慌
不過安寧的日子沒有維持多久，因為敲牆跺地的滋擾行動升級了。今次出事的地方是白田邨太田樓，無論白天還是深夜，單位裡面都不定時傳出恐怖叫聲，引發居民劇烈恐慌，急忙向居區議員求救。「嘩一聲咁叫，我望一望，好怕出事啊真係....企多陣佢又走返入屋」、「冇可收拾，呢個係計時炸彈嚟㗎！佢好好力，大吉利是發生咩事，一個人可以打3、4個人都得」，居民好激動，紛紛向攝製隊訴苦。原來發出噪音是一個男住戶，由上年6月起就不分晝夜、不少地點，盡情大叫。有次攝製隊影到狂徒，他穿著紫色短袖上衣、白色6分褲、拖鞋，邊行邊大叫，語無倫次：「一人一個，送咗俾佢，嗰個....」，而且他的行為懷疑還有暴力傾向，一名受影響住戶譚先生就話自己都怕被他打：「有一次喺升降機度同人爭執，佢睇人唔順眼，攞個瓷器公仔打街坊個頭，打到頭破血流。」
(TVB電視截圖)
(TVB電視截圖)
(TVB電視截圖)
究竟這位男士有甚麼問題呢？記者黃耀英同攝製隊勇闖狂徒家，只見到門口地上兩邊擺滿各式神像，神神秘秘，加上他的叫聲就更加恐怖。噪音煩擾，又怕被暴力傷害，有居民更懷疑因此引發情緒病：「初初搬上嚟我個腦好正常，我依家個人呢，我舊年有時自己打自己，有時打人，醫生話喎：『你個腦可能受一啲嘢震到你個腦』....一個黐線，2個黐線，3個黐線，連埋我自己個腦都有問題，我都黐埋」雖然曾經報警4、5次以上希望警察把狂徒抓走或者制止他發出噪音，甚至試過上門勸喻，但狂徒早就收聲，令居民有報假案的嫌疑，最後大家都無可奈何。居民還試過向房屋署投訴，但對方表示有醫務社工跟進，叫居民不要干涉他人私隱，變成有冤無路訴。人人都知狂徒精神失常，日夜叫嚷，正當大家的憂慮情緒臨近崩潰，事件又有突破性發展。大約早上8點、9點，狂徒坐著公園叫喊，不知道哪人報警，有救護員將他綁在擔架床上，送院治療，全座大廈終於有覺好瞓。
(TVB電視截圖)
(TVB電視截圖)
狂徒恐嚇死全家兼製造噪音 住客個個迫出精神病
另一邊廂，觀塘秀茂坪邨居民就終日活在死亡筆記的恐嚇之中。受影響住戶Peter表示，那個狂徒在地上寫上「無聲狗（Peter單位號碼）」、「天收你」、「死全家」，還有很多難聽的粗口，句個狠毒。狂徒曾經罵另一個單位的小朋友扔垃圾，還有常常帶小朋友來玩，對他造成滋擾，開始在走廊叫喊，還一腳把那家人的鐵閘踢壞，全都被拍低並錄於閉路電視上。房屋署見到沒有採取行動，更是更換鐵閘，然後對那一家4口說：「不如你哋搬呀？佢咁滋擾你哋！」，反而滋擾人就安然無恙。後來狂徒見到有新鐵閘又踢，愈踢愈起勁，愈踢愈用力，最可悲是被滋擾的一家4口，在過年後無奈調遷。自此狂徒就開始恐嚇Peter，近年開始敲牆，下午敲、夜晚又敲，沒有定時，曾經敲到朝早7、8點，平均20至30分鐘敲一次，總之務求要令鄰居每晚都不能入眠，要吃安眠藥，精神好差。
(TVB電視截圖)
(TVB電視截圖)
(TVB電視截圖)
去再涉事單位，門上貼了「監控區域」的告示牌，倍添神秒秘感。「佢有精神病掛應該，我叫佢入醫院、去康復中心行吓，佢有病呀嘛，佢又唔入、冇食藥！好辛苦，嘈到我瞓唔到，一嘈親我就好唔開心，佢會冇啦啦鬧我...我都係有病㗎，我以前識佢。」有同層住客見到攝製隊就馬上投訴，指狂徒有精神問題，不願接受入院治療，但原來該住客都是有精神問題，是情緒病患者。另外有住客甚至被騷擾到想跳樓自殺，要睇醫生轉介到精神科食藥。雖然試過一晚報3次警，不過次次警察一到，狂徒也是馬上收聲，無補於是。
(TVB電視截圖)
(TVB電視截圖)
噪音滋擾事件禁之不絕，未經報導的個案難道就不會受到當局重視？受害者也要無止境地忍受下去？有網民「50步」就話白田邨精神病患者特別多：「10年前喺嗰個社區做實習，期間就發生咗一宗兇殺案：一位精神病人士扑暈咗佢失智症嘅爸爸，再殺咗佢智障細佬，之後拖咗細佬條屍出垃圾房，再打開門上網。警察上門拉人，佢話細佬好臭，所以拖佢去垃圾房。另，有次喺lift 口見到一對街坊（男既60+；女既30+，唔知咩關係)手拖手喺度笑，笑得好大聲，之後就聞到臭味。佢哋行過之後，見到個女既條褲一pat屎 ……唔計失智症，話有人潛入屋偷煲嗰啲」事實上，很多精神病患者會自行停藥，拒絕覆診，社工拍門不應，慢慢病情愈來愈嚴重，累及他人。