【安心偷食】馬國明憔悴現身開腔護黃心穎：只可以話佢好年輕

現年30歲嘅黃心穎與51歲許志安昨日被爆出早前背男友馬國明及老婆鄭秀文出軌。略帶醉意嘅黃心穎與許志安於的士車廂攬啜互摷兼十指緊扣，如入無人之境，誇張程度令人咋舌。

昨日許志安已經率先開記者會交代並道歉，黃心穎則透過無綫助理總經理（藝員管理及發展）樂易玲表示知道自己犯下大錯並道歉。事件中的「受害者」鄭秀文則一直未有現身，但有指她情緒陷入崩潰邊緣，已經遷離與許志安的「愛巢」。另一男「受害人」馬國明亦透過樂易玲表示自己「安好」，為免影響拍攝《降魔的2.0》進度更於今日黃昏時份如常開工拍外景。

{{hket:inline-image name="5.jpeg"}}{{/hket:inline-image}}

{{hket:inline-image name="2.jpeg"}}{{/hket:inline-image}}

{{hket:inline-image name="1.jpeg"}}{{/hket:inline-image}}

馬國明面容憔悴。

馬國明平日會自行到停車場上車，但今日就行秘密通道。馬國明約於下午4時30分到達電視城，由經理人陪同下進入化妝間。未幾，馬國明大方步出予現場記者先拍照，並面露微笑，不過就未有接受訪問，表示要先化妝準備工作：「我依家唔答住喇！一陣一次過先講啦！」。期間馬國明顯然刻意壓低Cap帽想遮掩看似浮腫的雙眼。

馬國明上妝之後仍掩不住面容憔悴，眼神散渙。如常開工的他被現場近半百記者包圍下首度開腔，他平靜地說:

「其實呢件事我知道咗之後，好快已經冇咗嬲呢個感覺，我係好平靜，同埋我係好快變成擔心，我係好擔心牽涉喺呢件事入面嘅所有人，任何一個受到傷害我都係唔希望嘅，我唯一係可以代表佢（黃心穎）講少少嘢，我知佢都知道自己做錯咗，我亦都知道其實佢係好想出嚟同大家講，公司暫時可能驚佢個情緒唔穩定，驚佢講錯嘢，所以冇安排佢出嚟同大家講。我知佢IG講咗嘢，我只可以話其實佢仲係好年輕嘅，未來仲有好多路要去面對、要去行，希望大家會畀啲空間佢，至於我……大家亦唔需要擔心我，嚟緊我都會繼續好專心我嘅工作，繼續拍好我嘅戲，因為其實依家我都仲係開緊工嘅，我唔希望影響到呢個戲嘅進度。其實安仔自己都講咗嘢啦，我亦都唔會發展任何意見，因為我覺得呢個世界冇人有資格發言，除咗安仔太太之外，大家都冇資格發言嘅，希望呢件事盡快可以平息咗佢就算喇。」

馬國明亦請大家不要採訪父母，指父母不是圈中人，希望大家不要將母親的說話放大，亦唔會就母親的說話有任何回應：「只希望大家唔好嚇親屋企，我只可以講咁多，嚟緊我只會做好自己嘅嘢，希望大家高抬貴手，唔好將件事再發酵，令更多人受傷害。」

 

{{hket:inline-image name="7.jpeg"}}{{/hket:inline-image}}

{{hket:inline-image name="8.jpeg"}}{{/hket:inline-image}}

馬明冇對記者發問作進一步回應，亦冇交代目前與黃心穎關係。