電子支付搭小巴 AlipayHK EasyGo登陸九龍

科技愈嚟愈發達，黛安好多時行街食飯都唔使畀現金，用電子錢包就畀到喇。黛安知道，一直推動智慧生活嘅AlipayHK，自從今年初首次將易乘碼（EasyGo）付款應用喺港島專綫小巴路綫8及8X號綫之後，一直都運作暢順。有見及此，AlipayHK噚日宣布再將易乘碼乘車技術覆蓋至九龍區，冠榮車行有限公司嘅九龍專綫小巴47號綫，往來順利邨至翠屏（佳廉道）即日起就可以用電子錢包畀車錢，九龍區嘅居民出入就更方便喇！

公關姊妹仲同黛安講，港島區幾十部進智公交旗下嘅專綫小巴亦都係即日開通服務，包括4A、4B、4C、4S、4M、5、5M、35M、N4A、N4C同埋N4X號綫，一共11條路綫，AlipayHK用戶都可以用電子錢包喺專綫小巴掃碼搭車，咁多條路綫，真係啱晒好多港島區嘅上班族呀！

黛安知道，繼舊年11月AlipayHK成功投得港鐵二維碼收費系統後，噚日就宣布委任高明科技工程為合作服務供應商之一，一齊為市民帶嚟更方便嘅秒速入閘體驗。