VTC THEi 綠色新校舍下月開幕 首屆園藝學士畢業生投身職場

昨日黛安出席了VTC嘅傳媒午宴，去咗下月18日正式開幕嘅新校舍THEi（香港高等教育科技學院）參觀，校舍設計獨特，聽VTC主席鍾志平博士講，校舍舊年已分階段投入服務，校舍配備先進教學設施，雙塔式及綠化校園的設計，難怪獲多項建築設計及綠色建築獎項。

噚日最吸引黛安嘅，係佢哋開辦全港首個園藝及園境管理（榮譽）文學士課程，舊年已經有第一屆銜接學士學位課程嘅畢業生，投身園藝及園境管理行業，例如加入園藝、樹藝公司或地產發展商擔任助理樹藝師、園藝督察、助理園藝師或項目主任。

原來THEi喺2012年已成立，提供「專業為本」的學士學位課程，為中六及副學位畢業生開拓多元升學機會。今個學年共提供22個學士學位課程，着重多元學習經歷，最令人欣賞嘅係為學生安排好多工作實習機會。

黛安聽園藝及園境管理學系學生黃正耀（Nick）講，讀書時已去過香港嘅主題樂園及高爾夫球場實習，學習業界採用嘅園藝專業保養方法，做到學以致用。

VTC多年嚟，喺香港在文法教育以外，為香港青少年和在職人士，提供不同的職業發展方向，為香港培訓多元人才，可以話係功不可沒。