不單止內地客非法走水貨，將來歷不明的食物，如豆腐、豬肉、海鮮、肉丸、泡菜未經檢疫就偷運到香港，揭本港食物安全淪陷，連小朋友聚集的幼稚園也驚爆衛生問題！雖然今次記者並非李旻芳，但《東張西望》仍然派出攝製隊直擊幼稚園員工污糟洗拖把實況，甚至深入了解爛菜、爛生果照給小朋友吃的真相，提醒家長要照顧好小朋友，以免健康受影響。報道一出，一眾家長非常擔憂，紛紛問及幼稚園地址，馬上幫小朋友辦轉校，又讚TVB有為港人著想：「污糟到一個點，睇到火滾」、「邊間黑心幼稚園咁衰，傳開去啦！」、「痴線，點對得住良心....多得電視報出嚟先知，救濟我哋啲市民」等。
罪行1：洗完拖把洗食物
小朋友返學時間長，幼稚園食物及環境自然要做得好，除了員工定時消毒設施，亦要保持衛生，可是九龍區一間幼稚園的廚房卻爆出驚人內幕！有一位前任職員向《東張西望》提供片段，畫面見到一位大姐在廚房洗菜盆前彎下腰，開熱水爐不停用力地洗頭，又搓又抓，頭皮、頭油都洗乾淨，但這個洗菜盆不是用來洗食材給小朋友食的嗎？前職員透過電話訪問繼續爆料：「個廚房就真係唔太衛生嘅，有人見過負責煮飯嗰個嬸嬸喺鋅盆位置嗰度洗頭、洗拖把。」
(TVB電視截圖)
罪行2：冰箱長期沒人洗
表面上廚房好似整齊企理，再看看冰箱門的膠邊鋪滿陳年黑漬，還發霉，積聚很多細菌，看來很久沒有清潔。
(TVB電視截圖)
罪行3：食物擺到爛照煮
前職員又話：「畀小朋友嘅食物擺咗喺雪櫃裡面成個禮拜，仲見過小朋友食嘅飯有番茄，啲蕃茄已經擺到爛晒，就切咗爛嘅部份，冇爛嘅部份就照煮。小朋友有生果食，多數係食蘋果，又係切咗爛嗰啲，冇爛嗰啲照俾小朋友食。有人見過佢喺街市買餸，貪平，就快爛或者已經爛咗一半，嗰啲咪好平，佢就會買嗰啲。」雖然口講無憑，不過見到冰箱裡那盆白飯，只用盆隨便蓋上去就算，上面還有2袋不知道是甚麼。罐頭菠蘿就餘下一塊，在沒有蓋上蓋子的情況下暴露在空氣中，似乎真的不夠衛生。
(TVB電視截圖)
(TVB電視截圖)
罪行4：用抺桌子布抺腳趾
「我見過有一次小朋友開飯，每架餐車上面有塊毛巾，食完飯就要執嘢，佢就用條毛巾抺地板，跟住就走。但嗰塊毛巾係用嚟抺枱㗎嘛，佢用嚟抺地板，抺腳趾都見過。」是否像前職員所述如此誇張就不得而知，不過攝製隊就見到廚房裡面勞工手套都是髒兮兮，滿佈霉菌也不換，如果用來處理食材，小朋友第一時間受害。
(TVB電視截圖)
校方無視問題嚴重性
聽到幼稚園4大罪證，家長都好擔心小朋友安危，怕影響腸胃，認為應該要同校長投訴。其實該位職員不用負最大責任，反而校方負責監管的高層竟然叫知情者不要多管閒事，置小朋友健康於不顧。最後即使校長知道真相，也回應：「你唔好投訴佢啦，唔好追究啦，佢做多2年就退休喇。」連《東張西望》上門為民伸冤，校方都把他們趕出去。事實上衞生防護中心定期都會派護士到學校檢查，看看幼稚園職員如何處理小朋友的食物，又會提出改善建議。如果幼稚園每次都沒有跟進，他們就會透過教育局的分區，由分區發信通知，再次提醒。後來該幼稚園終於用書面回覆，表示事後已嚴重警告涉事員工，最近該名員工亦已請辭，校方日後會努力做好衛生，確保小朋友健康，希望事件告一段落。
(TVB電視截圖)
(TVB電視截圖)
(TVB電視截圖)