太古共用工作社區Blueprint 優惠會費助青年創業

相信唔少人都會有創業夢，黛安知道，為咗支持青年創業者，太古地產宣布旗下位處太古坊核心地段嘅共用工作社區Blueprint，將會資助20名創業青年以優惠會費租用，幫助佢哋有機會實現夢想！

太古地產將以低於市值一半會費租用旗下有成3萬呎面積嘅空間畀創業青年，嗰度有可容納90人嘅開放式共用工作空間，以及15個唔同大小獨立辦公室，仲提供完善配套同設施，好似專屬活動樓層設施包括講堂、展覽廳同會議室等，一律配備活動式間隔牆同先進高端影音設備，為青年創業者提供好選擇。