愛心女主人領養被棄貓B相伴9年 愛貓離世遂紋身冀守護一生

當相伴多年的寵物逝世，很多主人也會想盡方法紀念寵物，坊間有利用寵物毛髮製成的紀念品或飾物，而這次的主人Joey 為紀念相伴九年的愛貓傻B，選擇把傻B直接紋上身，希望跟牠互相守護一生。當Joey 在社交平台上公開相似度100%的紋身時，引來眾多網友紛紛求介紹，原來背後是一個險被遺棄的貓咪故事。

Joey 受訪時透露，傻B年幼時險被掉出街變浪浪，「我有位朋友屋企好多貓貓狗狗，仲要冇絕育嘅，生左BB就拎去寵物店賣，而傻B就到6個月大都賣唔出，仲成日喺屋企撩貓狗打交，加亂屙屎尿，朋友話勁唔鍾意佢，想掉佢出街！」當Joey得知狗B將被棄，沒有養過寵物的她不知哪來的決心，決意收養傻B一試，即晚就抱回家中。Joey 憶述，「佢嚟到我屋企又好乖喎，只係比較好動啫！」自那一天起，傻B就陪伴她九年，不論是傻B或是Joey生病，他們亦寸步不離地守護對方。

{{hket:inline-image name="0322Joey1.jpg"}}{{/hket:inline-image}}

由於Joey當時獨居，工作經常早出晚歸，擔心傻B在家太悶，希望領養多一隻貓咪陪伴，遂在牠兩歲時領養了「妹妹」，當時Joey就教導傻B要好好愛鍚妹妹，而傻B亦不負所望，「結果傻B不單止冇蝦妹妹，仲寵到妹妹變公主病！」兩隻貓咪相處融洽的日子，是Joey 最開心的時光。

{{hket:inline-image name="0322Joey2.jpg"}}{{/hket:inline-image}}

幸福的時光過得特別快，至2017年年尾，傻B身體開始出現問題，「當時佢第一次病發突然休克，醫生診斷後應該係腦有病變，但因年紀大唔適宜做麻醉，而且即使確診腦有事，都只能長期食藥控制」之後每個月，傻B都至少病發一次，每次也會突然休克、全身僵硬及失禁，「我每日都好驚佢會喺我唔喺屋企時離開，或者半夜突然病發離開而我又唔知」Joey 只擔心傻B的病情，從不覺牠是個負擔，但懂性的傻B卻怕自己惹來麻煩，「傻B咁多年嚟一直都會陪我瞓，但自從試過一次佢喺床病發失禁，整濕左我張床之後，佢好內疚，之後就唔再同我瞓喇......」

一直至到2018年4月，當時Joey腰椎移位，一直放病假在家休養，當時傻B寸步不離地陪伴她，但仍然堅拒上床瞓，直至9月，Joey完成手術，醫生指緊隨3個月是黃金康復期，需要多休息，不能操勞，傻B就一直相伴至11月，Joey完全康復才離開。「當時傷心到不得了，始終係第一隻貓咪離開」她指相信妹妹更傷心，因為傻B走後一個月，妹妹每晚都在客廳大叫，尋找傻B的足跡。

9年的相伴，Joey想盡辦法留住回憶，最後她選擇了一張傻B的照片，讓紋身師把傻B紋在手上，成為她的第一個紋身，「我已經同屋企人交待左，他日我離世後，必定要將我同傻B、妹妹，三個嘅骨灰混埋一齊安放，咁就真係可以永生永世都一齊！」Joey愛貓之情讓人動容，相信傻B也在彩虹橋等著和她們團聚的一刻！

{{hket:inline-image name="0322Joey3.jpg"}}{{/hket:inline-image}}

{{hket:inline-image name="0322Joey4.jpg"}}{{/hket:inline-image}}

相片及資料來源：受訪者Joey