1家3口夾錢買樓恐家變 港男：家姐突然話結婚叫姐夫嚟住

居住問題一直困擾不少香港人，有男網民今日在網上討論區「連登」發文，指因為家中面積太細，他與母親、姐姐遂打算夾錢買樓改善生活。未料，姐姐突然表示下個月結婚，未來姐夫將搬來新居同住，令他甚為憤怒，「樓我地有分供，無分話事，你兩公婆塊臉皮成尺厚，完全無考慮過我同啊媽嘅感受！」

母親姐姐各出一半首期 再與樓主一齊供樓

樓主以「我家姐突然話下個月結婚。家變」為題發文，指他們1家3口所住單位不足200呎，「屋企得一間細房，個廳放咗張碌架床，之後已經冇晒活動空間，仲住咗8年，住得真係好辛苦，所以想住好少少」。2個月前，他們看中了一個400呎左右的單位，打算母親及姐姐各出一半首期，3人再均等除3份一齊供樓。然而，在一切看似正步向美好之際，卻衍生更多問題，「起初打算1家3口一齊住，以為捱咗今(咁)耐終於可以轉換下環境，有自己嘅空間......我家姐突然話下個月會結婚，佢個老公仲要搬入嚟同我哋住，我咪話400呎住4條友劏3間房會住得好辛苦，我家姐竟然叫我X母到60歲去排公屋好快有，我嬲到一個點，我同家姐罵大交仲差d開拖。」

{{hket:inline-image name="hm210320192.JPG"}}{{/hket:inline-image}}

樓主：無考慮過我同啊媽感受

他又炮轟，姐姐結婚竟然要他與母親「貼埋大床」給她未來老公，「樓我地有分供，無分話事，你兩公婆塊臉皮成尺厚，完全無考慮過我同啊媽嘅感受，屋企已經唔係大，得400呎仲要劏3房，你竟敢死打算霸一間大嘅主人房，我真係完全無語。」最後，他進一步留言表示：「佢兩公婆自私到不得了，想像唔到之後生活點過。怪就怪自己無能力，搵到錢嘅話唔洗同個自私X住。」

網民：樓主及母親中了姐姐圈套

此事引來網民熱議，不少人認為，樓主及其母均中了姐姐的圈套，「1家3口已經係過去式喇，過多個月，係你兩口對人兩口呀，點醒你媽啦，親生仔不如近身錢」、「現實係你X母會同你家姐姐夫一齊住到終老，到時你結婚就自己出去搵地方住㗎啦」、「劇本係X母搬走，佢哋就準備生仔，巴打瞓街」。另有網民表示：「叫埋佢男友都供，有分住唔洗(使)供咩！」、「家姐要結婚咪同老公出去租屋住囉，慳返唔洗(使)買樓。」、「樓主自作多情以為供嗰少少層樓就有佢分。」、「樓主搞清楚先，你畀出黎嗰幾千蚊，係家用定係供樓，又或只是交租。」

網民建議應弄清業權或唔好買

同時，亦有不少網民認為一開始就已數目不清，建議應弄清業權等問題，「作為一個第3者，唔理你感情果part，就咁聽條數已經覺得複雜」、「唔知你地係咪已經畀咗錢供緊，既然依家發現咗個問題，應該考慮下其中一方借錢買返個擁有權之類，如果唔係遲D更加有排煩」。亦有網民指，若無法解決問題，又未簽約付錢的話，「建議你唔好買依層樓，到第時自己同老婆有錢先同X母一齊買。」