《卡拉屋企》聚舊為「肥媽」慶生 網民話好掛住Popeye

昨日吳鎮宇、鄭敬基、黎海珊、盧宛茵、楚原夫婦相約齊齊打邊爐，成班老友聚舊之餘，仲為盧宛茵慶祝生日。原來佢哋係因為TVB將會重播《卡拉屋企》嘅關係，所以決定聚一聚，不過家人入面獨欠「阿蒂」李婉華同埋「肥舅父」秦煌。而盧宛茵喺8月仲會首次開個唱，佢哋仲已經約好咗8月拉隊去捧場，真係好有愛呀！

{{hket:inline-image name="53439382_1931823150260591_2318943754873298397_n.jpg"}}{{/hket:inline-image}}

(鄭敬基IG)

《如懿傳》大結局後，TVB深夜就開始會重播《卡拉屋企》，全劇一共有成227集，話晒依套劇都係唔少香港人嘅集體回憶，唔知TVB會唔會播足呢？「喂！夠鐘喇！睇電視！睇吓今集講乜先，講乜先？」淨係望到句字，已經全部回憶都返晒嚟呀！除咗首主題曲深入民心，劇情都非常吸引，最緊要係夠晒貼地。話時話，大家除咗相中嘅「白頭佬」、「肥媽」、「失魂菲」、「發記」、「泰臣」之外，仲記得幾多位演員？不過網友都好關心Popeye嘅近況，當年吳鎮宇帶同自己的愛犬一齊開工，而沙皮狗Popeye的表情楚楚可憐咁，吳鎮宇同埋劇中演員都好鍾意搓佢塊面，觀眾都覺得好得意，後來編劇特別加插Popeye的內心戲，由馮永和配音，令他們主僕情更加生動有趣。

{{hket:inline-image name="1470763728_329b.jpg"}}{{/hket:inline-image}}

劇集距今已經28年，在吳鎮宇的社交平台都已經不再見到Popeye的影子，不過Popeye能夠拍到這部經典處境劇，絕對係吳鎮宇同Popeye之間最好的回憶。