大懵DSE考生搞錯考試時間 好心司機抄捷徑助平安到埗

中學文憑試（DSE）是左右日後升學重要指標，考生們皆對考試嚴陣以待，惟近日一位DSE考生搞錯考試時間，在開考前15分鐘始得知，急忙「飛的」趕赴試場，幸獲好心的士司機相助，抄捷徑兼少收車資，最終讓他及時趕抵試場，而的哥好心安慰亦令他平復心情，冷靜面對考試。

搞錯考試時間 15分鐘「生死時速」

一位DSE考生日前投稿至Facebook群組「名校Secrets」分享，指自己考中文口試當日竟記錯時間，「我以為自己6點考，但其實係5點考」，直至4時45分仍留在學校作最後準備，同學感奇怪好心提醒：「乜有呢個時段嘅咩？」事主翻查考試文件後，始發現距離開考只剩15分鐘，立即飛奔校門外截的士趕往試場。

司機好心安慰 助平復心情

事主登上的士後仍心急如焚，「好不安又好嬲自己，好想喊好心急......」並著司機盡量開快，司機聞言即加快車速並改行最短路程，期間見事主坐立不安，好心跟他閒談減壓：「真喺要快啲囉，希望前面少啲燈」，安撫事主著他鎮定應對，「睇得出佢嘅關心，真係幫我平伏番個心情。」

事主甫上車已先預付50元車資，「但最尾超咗錢，個司機話唔使畀啦少少錢」，令他感動萬分。

事主平安到埗 考試表現佳

事主最終成功趕及在5時正抵達試場，自言雖然對中文口語信心不大，但「表現比平時好...今次係我講得最多，最有信心嘅一次」，同時亦再三向好心司機道謝。事主最後亦提醒大家勿像他一樣「大頭蝦」，緊記看清楚考場及時間。

不過帖文亦引起一班網民批評事主大意，指考試如此重要，應以手機日記記錄考試時間，同時在考試前先到試場附近熟悉環境並找出學校入口位置，有助避免意外發生，有人留言稱：「早前提醒一位考DSE小朋友，去一去考場附近行一次搵搵人地學校正門，俾佢窒我話呢個世界有Google map... 心想，祝你好運啦，張相可能仲係2011年未update（更新）過。」