無綫劇集《巨輪II》棒紅了吳岱融（高天鷲）和李佳芯，但就冇人記得飾演高太的梁琤（Jade）。有樣貌有身材、演技出色、唔錫身又能剛能柔，入行多年嘅梁琤冇負評，亦冇緋聞，不過同時亦冇令佢一炮而紅嘅作品。就連佢自己都話：「從來冇高潮過。」不過入行近28年嘅佢心中一圑火從來都冇熄過，最近為無綫新劇《唐人街》出演。
(梁琤Facebook)
{{hket:inline-image name="22366616_120584995279026_9217294341049630231_n.jpg"}}{{/hket:inline-image}}
(梁琤Facebook)
《巨輪II》劇照
{{hket:inline-image name="006WIqGAgy1g0maegceddj30u00z1tke.jpg"}}{{/hket:inline-image}}
（梁琤微博）
現年49歲嘅梁琤91年參加亞洲小姐十甲不入，原本以為就咁同娛圈無緣。不過選美完咗一排之後，德寶電影公司搵新演員，雖然從來冇習武經驗，但電影公司為佢提供短期訓練，第一套動作片《黑貓》就畀梁琤擔大旗做主角。《黑貓》仲令佢奪得1992年香港電影金像獎《最佳新演員獎》。亦係咁，奠定佢打女嘅形象。
令人諗起Natalie Portman!
《黑貓》表現令人眼前一亮。
{{hket:inline-image name="4e034b3f3157ec101b4a35117067bf3077edcfe0.jpg"}}{{/hket:inline-image}}
電視《黑貓》截圖
拍戲出意外嚴重燒傷
1995年，梁琤拍攝電影《影子敵人》時，因為計錯爆破時間令佢燒傷入院，梁琤話一出火場佢即刻要照鏡：「當時成個爆炸頭，眉毛、睫毛冇晒，個嘴好似漢堡包咁！」嗰時佢仲未知道隻手燒到甩晒皮，最後要接受植皮治療，留低咗一世嘅疤痕：「喺大腿旁邊割一塊皮膚落嚟，蓋喺手。」當年梁琤媽媽喺醫院探佢喊到收唔到聲：「媽喊到豬頭，嗰刻我都喊，唔係因為燒傷，係因為令佢哋擔心，所以多年嚟我要自己做得健康啲，唔想做錯嘢令家人承受。」除咗生理上嘅疤痕，亦留低咗心理陰影：「依家撻Gas爐都會驚，會有壓力，好似一撻嗰吓成幢大廈都會爆炸，所以依家我都係用電磁爐。」
{{hket:inline-image name="54.jpg"}}{{/hket:inline-image}}
《影子敵人》
{{hket:inline-image name="20160706212043237.jpg"}}{{/hket:inline-image}}
古裝靚到「嘩」一聲。
{{hket:inline-image name="2019021917_660969ddc9b642fda2fa8dabe42656a8_4670_mwpm_03201609.jpg"}}{{/hket:inline-image}}
《轉世驚情》劇照
《金枝慾孽》劇照
《南龍北鳳》劇照
《南龍北鳳》劇照
無悔停產陪患癌父
九十年代末，梁琤中港台三邊，非常多產，但都係冇代表作。2004年梁琤拍咗《金枝慾孽》，喺黎姿、張可頤、佘詩曼等一眾又靚又好戲嘅人之間，亦完全冇被比下去。但佢喺呢個時間突然離開無綫，原來係為咗陪伴患癌嘅爸爸：「我同爸爸好好感情，叫佢做𡃁仔，突然知道爸爸患肝癌好震撼，我係長女，全家人睇我頭，全程陪爸爸，同佢睇醫生做化療，三個月之後，癌細胞擴散到胰臟，見到佢痛得好緊要，我好心痛，嗰段時間我就決定要將時間留嚟陪家人，諗好多節目，陪爸媽去旅行，帶佢哋周圍去，我精神上畀佢很好多正能量，同佢講世界上永遠有奇蹟，用正面嘅心態去面對。09年，爸爸離開咗。我睇返轉頭，覺得冇遺憾，如果我嗰陣博命做嘢，冇陪佢哋，可能我依家會好嬲自己。」除咗同爸爸醫病，梁琤有六位兄弟姐妹而佢排行第一，所以佢亦擔起照顧其他家人嘅重擔，開支都不少：「我覺得做仔女最基本呢個係㗎喇，我盡自己能力囉。我一直覺得自己有緣份同呢家人一齊好幸福，唔覺得有壓力！」
早前曾參與舞台劇演出。（梁琤微博）
（梁琤微博）
（梁琤微博）
（梁琤微博）
（梁琤微博）
（梁琤微博）
對婚姻恐懼
講到感情生活，梁琤就曾經講過自己打女形象嚇親追求者：「感情隨緣啦，唔可以是但搵個膊頭挨！」佢坦言年少時憧憬有美滿婚姻，長大後發覺好大學問，驚責任大而產生恐懼。
{{hket:inline-image name="47401175_156527055319161_956708950864511116_n.jpg"}}{{/hket:inline-image}}
(《烈火雄心》劇照)
《烈火雄心》入面慘被鄭子誠強姦。(《烈火雄心》劇照)
{{hket:inline-image name="341.jpg"}}{{/hket:inline-image}}
見到佢同古天樂呢一Pair，心都實埋。(《烈火雄心》劇照)
小編最近都有翻睇梁琤有份演嘅電視劇《烈火雄心》，覺得佢非常討好，靚得好順眼，剛強堅毅之餘，亦有柔情似水嘅一面，處處為人着想，都同佢真實性格好貼近，演得非常觸動人心。百思不得其解，點解佢會紅唔起？或者冇功亦冇過係娛樂圈大忌，又或者係時勢造英雄，埋沒咗呢粒滄海遺珠。