無良名種貓店賣病貓 少女買貓回家4日貓瘟亡

「領養代替購買」，不單只是為了幫助有需要的動物，更重要的是，來自繁殖場的寵物店動物，大多健康狀況不佳，只有停止購買才能終止這些可憐動物的悲劇。這次悲劇的主人翁就是少女陳小姐一家以及只有三個多月大的愛貓「小灰灰」，他們從觀塘一間名種貓店購入蘇格蘭摺耳貓小灰灰，除了25/2回家當日精神良好外，身體情況每況愈下，胃口不佳以及嘔吐，最後獸醫診斷為貓瘟，於昨晚9時左右離世。雖然相處的時間只有四天，已令陳小姐痛心疾首，「雖然只係四日，但我哋都當小灰灰係屋企人，佢就咁走咗，我地覺得寵物店好有問題，想幫小灰灰討回公道。」

{{hket:inline-image name="20190301grey3.jpg"}}{{/hket:inline-image}}

陳小姐稱於24/2在Facebook上見到「信譽好像不錯」的寵物店，在相片中已覺得小灰灰很合眼緣，沒有養過寵物的陳家有意購入小灰灰，隨即於25/2到觀塘的實體店探望小貓並購入帶回家。「25/2當日小灰灰精神好好，都有同我哋玩，但四日來佢情況愈來愈差，包括冇食慾，食得好少嘢，當時向寵物店查詢，佢哋話係因為新環境未適應。到第四日朝早，我地見到地下有小灰灰的嘔吐物，清潔完氹佢瞓，過咗陣佢又嘔第二次，下午又再嘔第三次，我地預約咗四點睇獸醫，當時佢體溫好低，好虛弱冇晒力。」醫生抽血檢查發現小灰灰白血球、蛋白質、血糖等數值極低，醫生指這是典型的貓瘟報告。

{{hket:inline-image name="20190301grey2.jpg"}}{{/hket:inline-image}}

陳小姐跟寵物店溝通後，負責人竟指「果啲醫生呃人嫁，你唔好俾佢醫喇，你即刻嚟觀塘俾返隻貓我啦。我哋唔信出面啲獸醫，佢哋搞死咗隻貓，你又唱我哋有問題。你拎返嚟我哋盡量幫你醫，啱唔啱聽呀？」寵物店拒絕承認是貓瘟，指只是一般傷風小病，陳家擔心小灰灰安危，店家續指「你拎返嚟，你唔想要佢都冇問題，你想要佢，我地就幫你醫囉。」覺得寵物店當「貓咪是貨物」處事手法有問題，拒絕交回貓咪。

當日獸醫指小灰灰需要留院，當晚約8:45pm陳小姐就收到電話指小灰灰已無心跳，獸醫正進行急救，請他們趕到醫院，最後他們在獸醫診所陪了小灰灰的屍體約一小時後就交由善終公司處理遺體。小灰灰離世後，陳小姐通知寵物店，他們的即時反應是「吓！咁快？」

{{hket:inline-image name="20190301grey1.jpg"}}{{/hket:inline-image}}

獸醫指貓瘟有潛伏期，而陳家並沒有飼養過其他寵物，相信貓瘟很大機會是從寵物店感染的，陳家已通知寵物店，但店家堅拒承認責任，本來店家有「七日健康保證」可退換貓咪，但事到如今陳家亦不想再從該店接走另一隻貓咪了。第一次養寵物的陳小姐傷心地指「做主人要對貓貓負責，佢係屋企人，我哋都盡左力，希望對得住小灰灰，希望佢喺貓星幸福。我哋唔會再買貓，希望無良嘅繁殖商人可以消失。」

{{hket:inline-image name="20190301grey4.jpg"}}{{/hket:inline-image}}

▲陳小姐指小灰灰只回家數天，連合照也沒有拍過一張，只留有數張小灰灰的獨照。