53歲劉嘉玲大晒火辣身材 4招凍齡瘦身秘訣公開

日前，劉嘉玲去咗澳洲度假，心情靚爆嘅佢，喺社交網站上晒出多張火辣泳照。相中可見，劉嘉玲戴住太陽眼鏡、草帽，身穿黑色深V連身泳衣，配上半透明波點外套。纖細嘅長腿再加埋若隱若現嘅事業線，身材真係好到不得了，完全睇唔出已年過半百！難怪網民都留言大讚「身材也太好了」、「女神像少女一樣」、「羨慕你的大長腿」。其實53歲嘅劉嘉玲一向保養得宜，即刻睇睇佢有咩絕招。

{{hket:inline-image name="6828f4c2gy1g08nfzl0dlj20u0140e81.jpg"}}{{/hket:inline-image}}

{{hket:inline-image name="6828f4c2gy1g08nqm4mfqj21un2iohdt.jpg"}}{{/hket:inline-image}}

{{hket:inline-image name="6828f4c2gy1g08nri2h5yj21tb2iokjm.jpg"}}{{/hket:inline-image}}

1 每個月4天排毒餐

劉嘉玲每個月會連續4天吃排毒餐。每天5時半就開始，吃1小碗飯、2個小紅蕃薯及兩種蔬菜，重點是完全禁食任何肉類。只要堅持半年，體重就順利下降。

2 蘋果帶皮吃

劉嘉玲喺減肥期間會食大量水果，其中主要係食蘋果。因為蘋果熱量較低，又可增加飽足感。另外，進食時間都好重要，佢話會喺飯前食，咁樣就可以令佢正餐食少啲。而且佢建議食蘋果時，唔好將皮削掉，因為連皮食可以幫助細嚼慢嚥。

3 飯後一杯檸檬汁

劉嘉玲曾經喺節目上表示，自己飯後會飲一小杯檸檬汁，仲同嘉賓講笑話：「我飲過嘅檸檬汁，多過你飲嘅水。」因為豐富嘅維他命C，可以增強免疫力、延緩老化、保持肌膚彈性。平日佢會飲1000cc開水，加一個檸檬。唔好睇少一杯唔加糖嘅檸檬水，真係養生又健康。

4 護膚心得

劉嘉玲非常注重眼部保養，會勤用眼霜同敷眼膜。另外，護膚時亦有兩個小細節：佢會將精華液、面膜都放喺雪櫃，使用時先拎出嚟，效果更顯著。而敷Mask前亦會先蒸臉，等毛孔擴張，咁樣可以令皮膚更加吸收面膜入面嘅精華。