跟DJ當奴𢭃利市 捐畀紅十字會送暖

豬年到來，唔少朋友𢭃利市都𢭃到豬籠入水。想善用長輩嘅祝福，何不助人為樂？DJ當奴早前就喺觀塘同街坊拜年，八卦下大家𢭃咗幾多利市，估唔到有街坊𢭃到成萬蚊利市錢，非常富貴。好事當然唔會嫌多，DJ當奴即刻邀請嗰位街坊一齊去𢭃更大嘅「大利市」。不過有乜大利市比重金更好意頭？之唔係「救人自救」嘅精神囉。

原來當奴同紅十字會合作，趁住街坊𢭃利市嘅良機，向佢哋宣揚「急救為人人、人人學急救。人人學急救、救人又自救」口號，邀請成班街坊齊齊學急救，有一技傍身，隨時可拯救大眾嘅性命。當奴仲搵來盞鬼「名模」畀大家一個驚喜，搞到成班街坊勁high勁開心，想知佢哋有乜奇遇？記住去http://link.redcross.org.hk/happycny留名登記，就可睇到當奴為大家準備嘅彩蛋啦。

講番利市錢，其實依家捐款畀紅十字會，仲有機會得到期間限定嘅「吹桔備災開運利市」，利市封上面有盞鬼可轉動嘅立體大桔，畀大家隨時可以「吹桔」，仲印有備災小貼士，份外有心思同實用。