兩馬會馬術隊成員 亞洲青少年大獎賽入三甲

一連三日嘅「香港賽馬會亞洲青少年大獎賽」完美結束喇，黛安聽公關姊妹講，代表香港出戰嘅兩位馬會青少年馬術隊成員都入咗三甲啊，認真可喜可賀！

奪得冠軍嘅係馬會青少年馬術隊成員鍾子翔，佢話可以喺咁多觀眾面前，同一班亞洲頂尖嘅年輕騎手同場比拼，可以講係佢目前得到嘅最大勝利！而馬會青少年馬術隊成員馮浩源就獲得第3名，第2名就由中華台北代表林子嚴奪得。

今屆大師賽首辦三項亞洲錦標，參與亞洲青少年大獎賽嘅騎手共有5名，除咗香港代表外，其餘騎手分別係來自廣東、中華台北同印尼。大家咁落力比賽，成績係有目共睹嘅！