張衞健點花成金  $28兔尾草成港男至愛

聽日就係情人節，大家諗住點同另一伴慶祝呢？唔少男士會選擇以花示愛，不過情人節買鮮花都唔平，如果買玫瑰閒閒地都要$1000以上，男士們買咗都幾肉赤。近日花界卻興起另一種新寵鮮花，仲要同早前掀起一陣全民煲劇熱潮嘅《大帥哥》有關。張衞健同蔡思貝飾演嘅沅婉呢對熒幕情侶好受歡迎，唔知大家仲記唔記得劇中狄奇送咗一支狗尾草比沅婉做訂情禮物？呢幕居然成功帶動咗情人節花束嘅銷售量，事關「狗尾草」同近年另一種情人節受歡迎花束「兔尾草」非常相似，唔少男士睇完《大帥哥》都彷效張衞健做，買兔尾草做情人節花束送比女朋友，《大帥哥》劇集威力真係好勁呀！

{{hket:inline-image name="-jEze8FMvqhrrb0lWDfiroJbKnDedn55P9yJoT_ciaE.jpg"}}{{/hket:inline-image}}

（《大帥哥》劇照）

睇翻兔尾草係香港花店嘅售價，大約只係$28就有一束五支，又真係抵過買玫瑰花多多聲喎，而且兔尾草仲有「在我面前不用強裝堅強」花意，送比另一伴真係sweet爆！

{{hket:inline-image name="hhhhhhhhhhhhhhhhhhh.jpg"}}{{/hket:inline-image}}

（網上花店兔尾草售價）

{{hket:inline-image name="ttt.jpg"}}{{/hket:inline-image}}

{{hket:inline-image name="ffff.jpg"}}{{/hket:inline-image}}

其實唔止⼀班港男迷戀「大帥哥」，連「天嬌」譚凱琪對佢都未忘情㗎，劇中型到跌渣嘅狄奇同天嬌，二人無緣長相廝守，唔少觀眾覺得遺憾。近日佢地係現實重聚，譚凱琪去食車仔麵居然巧遇張衞健，搞到佢勁興奮忍唔住上傳合照到社交網絡，佢仲留言話：「上一世無緣見多你幾面，今世食車仔麵竟然遇見，擋不住的緣份，今世大帥哥個樣仍然型到噴汁，畀我一眼認得出」譚凱琪仲要幫張衞健買單，冧爆請佢食車仔麵。網民睇完合照都好開心咁留言：「終於再繼前緣！」又問車仔麵店係邊度，希望撞到佢地，可惜譚凱琪並無標注鋪頭位置。

{{hket:inline-image name="bkn-20190212183031866-0212_00862_001_02b.jpg"}}{{/hket:inline-image}}

（譚凱琪IG圖片）

{{hket:inline-image name="bkn-20190212183031866-0212_00862_001_03b.jpg"}}{{/hket:inline-image}}

（譚凱琪IG圖片）

究竟呢間神袐車仔麵店係邊呢？經網友精密調查下發現，原來此店係位於太子的十六座車仔麵，譚凱琪仲要公開咗張衞健叫車仔麵餸嘅絕密set，「大帥哥」嗌咗豬紅、豬皮同豆腐卜咁，口味相當「貼地」！

{{hket:inline-image name="bkn-20190212183031866-0212_00862_001_05b.jpg"}}{{/hket:inline-image}}

（譚凱琪IG圖片）