前惡霸「火雞姐」丁可欣誠心道歉 受害人耿耿於懷永不原諒

在Youtube以火雞姐癲喪形象火速上位，之後加入澳滌娛樂成為歌手（合約已結束）的丁可欣昨日於instagram突然拍片公開道歉，引來兩派網民激烈爭議。事源近日有很多網民不斷於連登討論區力數她以前14、5歲在中學蝦蝦霸霸的罪證：第一盜竊，連群結隊趁同學在體育、音樂堂離開課堂時偷手提電話，不過當時該校為息事寧人，加上丁可欣未成年，所以未有被起訴；第二，借錢不還，雖然早前仍是KOL（Key Opinion Leader)時有提過會還錢，但事情拖了幾年亦未行動；第三欺凌，在學校聲大夾惡欺負弱、嘲笑、恐嚇弱小同學，又曾經瘋狂與朋黨檢舉同學的粉絲專頁，不少人惶恐度日。惡霸罪證被爆出來之後，網民、粉絲都大感驚訝，丁可欣形象大跌。

{{hket:inline-image name="17.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

火雞姐坦承3大罪症  拍片向受害人誠心道歉

有見及此，丁可欣一改以前扮八婆高音的講嘢風格，轉返平時把聲。先鞠躬向以前的受害者道歉，再坦承中學時種種惡行，最後認真並誠心地懺悔，希望曾受害的同學主動聯絡她，商討如何賠償 ：「大家好，我係Yanki丁可欣，我想喺呢度向所有以前中學俾我欺凌過，或者盜竊過財物嘅受害者，講聲對唔住，Sorry！我知道我嘅過去的確做咗好多錯嘅行為，傷害咗好多同學，但係我唔想俾藉口自己，我好想我嘅承認錯誤。我知道我嘅過去我冇辦法改變，我依家呢一刻可以做到嘅係承認返呢個錯誤同埋同大家道歉，但我好希望大家原諒我過往做嘅嘢啦。

以前14、15歲嘅時候的確冇顧人感受啦、好自私啦，我知道未必可以補償你哋，亦都可能對你哋造成陰影。但係我好想俾你哋知道我真係成長咗，改過，我知道有錯嘅時候我都好想面對。我曾經嘗試聯絡一啲舊同學或者仲有其他同學我係冇辦法搵到佢哋，所以我好希望如果你係其中一個被我欺凌過嘅同學或者我有偷過你嘢嘅人，俾一個聯絡嘅方法我，俾我哋出嚟見面同你道歉又好，或者賠返錢俾你又好，咩都好......我好後悔自己做過呢啲行為，但依家嘅我已經改變，好努力學做返一個好嘅人啦...有錯就一定要認。我知道10年前嘅事冇辦法改變，但如果我道歉會令大家好過，我願意囉。」

{{hket:inline-image name="12.jpg"}}{{/hket:inline-image}}

網民兩極反應 受害人耿耿於懷永不原諒

儘管丁可欣已經公開講對不起，並表示願意補償，然而以前被欺凌者紛紛留言聲討，揚言永遠不會原諒她：「如果咁講以後做咩衰嘢都得，所有壞事都唔需要任何懲罰，要法律做咩？」、「當時班同學無報警拉你係你好彩，依家仲要叫受害者主動搵你，俾個機會？不過做咩都改變唔到你對人嘅傷害」。另外又有不少粉絲力撐丁可欣已經清楚知道自己的過失，社會應該給予機會：「佢肯企出嚟已經好大勇氣，有邊個冇做過錯，一直鬧佢都解決唔到個問題！」、「雖然可能只係亡羊補牢，但願意承認其實都已經係一個好榜樣，已經好過好多人」。