江華囝囝願為病患服務 誓不做敗家星二代

講起江華真係好懷念，以前佢無論係唐三藏、項羽、嫪毐、雍正皇帝都可以全部駕馭到。忠嘅、奸嘅、貴族、粗人咩都難佢唔到，基本上咩角色都可以拿捏我好好。可惜佢遇上情緒嘅低谷，有段時間好大壓力，與TVB解約後就冇再喺幕前出現。雖然大家都好掛住佢，不過聽聞佢有一個幾靚仔嘅囝囝。講到星二代，可能好多人會有刻版印象，覺得佢哋屋企肯定好多錢、唔使做嘢，可以吃喝玩樂、喺人哋面前好要面等等......但係江華囝囝冇入到行，佢唔止有外在美，仲有內在美，俾人嘅感覺係好成熟穩重，有自己一套睇法嘅人，佢，就係25歲嘅Bryan陳耀淙。

{{hket:inline-image name="b9e000438692dd07690.jpeg"}}{{/hket:inline-image}}

{{hket:inline-image name="17ec1p3.jpg"}}{{/hket:inline-image}}

肯為病患服務 不做敗家星二代

原來細細個開始，其他人嘅眼光已經跟隨Bryan長大，佢覺得做星二代好大壓力，加上佢咁啱都冇遺傳到父母嘅唱歌天份、演戲天份，所以畢業後情願投身醫護界親身為市民服務，都唔想跟隨父母步伐做明星。雖然依家正值冬季流感肆虐期，好多市民會去公立醫院求診，前幾日伊利沙伯醫院及聯合醫院急症室等候時間更一度長達6個鐘，令前線醫護人員需要1個對10個病人，做護士嘅好辛苦。不過Bryan好肯捱，厭倦性嘅工作都唔介意，仲將壓力化做動力來源，非常有使命感。佢話醫護行業好適合自己：「我做護士係諗呢份工究竟可以做幾耐呢，可唔可以養到我屋企人，夠我結婚。我唔諗發達，夠食就夠喇！我應該做緊啲大家都認為係正確嘅嘢，冇丟我父親嘅架。」

{{hket:inline-image name="4.jpeg"}}{{/hket:inline-image}}

{{hket:inline-image name="14.jpeg"}}{{/hket:inline-image}}

習勞感恩 目光遠大

就咁聽已經覺得Bryan陽光正面、有內涵、有理想，佢除咗肯腳踏實地唔做敗家星二代之外，亦好識感恩。講起久未於幕前露面的爸爸江華，Bryan一臉崇拜：「我覺得我爸爸好靚仔，愈老愈有味道，喺企邊度邊度就係中間，我企隔離就永遠都係側邊。佢有霸氣，但唔係惡。」在他眼中，江華現實中同戲裡面的角色大相逕庭，《九五至尊》裡面的李大蝦是風趣搞笑，但回到家中江華就好嚴肅。至於媽媽麥潔文，Bryan就話媽媽沒錯是唱歌勁，但廚藝卻不敢恭維：「好容易煮到爛晒嘅薯仔、番茄、南瓜，全部煮埋一碟倒落個飯度...」不過之後Bryan就話自從妹妹出世之後，父母就開始偏心，更重提當年無得去沙灘的事：「嗰陣其實我喺屋企瞓緊覺，佢哋3個就出咗沙灘玩冇預我！」雖然係咁，佢冇怪過細妹，仲好錫佢嘅，勉勵即將加入文化界嘅佢要生性同加油。

其實唔知Bryan年齡，仲以為佢已經出嚟社會做咗一段長時間，因為佢好知道自己有咩長處、短處，清楚自己想做啲咩，講到明35歲應該會成家立室，又預想第日應該係一對孖女嘅爸爸：「一定會對佢百般呵護，好好嘅生活、開心嘅回憶，先係做爸爸應該做嘅嘢」就咁都已經聽得出Bryan嘅愛心湧晒出嚟。雖然遺傳唔到父母嘅唱歌天份同演戲天份，不過佢有樣嘢好似父母，就係有承擔、有目標、肯盡責任，果然係個唔平凡嘅星二代，連網民都大讚呢位暖男係筍盤：「 肯投入醫護界，為大衆服務巳經值得讚賞，希望keep呢團火，繼續努力」、「呢個星二代好貼地、正氣，父母教得好好」等。

{{hket:inline-image name="15.jpeg"}}{{/hket:inline-image}}

{{hket:inline-image name="5.jpeg"}}{{/hket:inline-image}}

{{hket:inline-image name="13.jpeg"}}{{/hket:inline-image}}