親揭唔生之謎 鄭秀文：自問做不來

最近娛樂圈喜事重重，陳凱琳、樂基兒與單文柔都將會輪住生豬寶寶，認真可喜可賀！不過要數到大家最想見佢榮升媽咪嘅女星，鄭秀文肯定上榜，事關佢同許志安愛足幾十年，堪稱圈中金童玉女，加上佢哋都係靚仔靚女，所生嘅星二代肯定係優質靚B，只可惜一講到造人大計，Sammi口風成日轉，一時話抱開放態度，一時又話唔會生，認真撲朔迷離。

到底生唔生？Sammi近日終於有答案，事關佢去咗父母家中拜年，成家人開心享天倫，見到年事已高嘅鄭媽媽，Sammi都顯得好感觸，仲喺IG撰文分享點滴：「我跟她說：『媽媽你真好！無條件痛錫我們』。然後媽媽以九秒九的時間說出心聲：『媽媽疼錫你們永遠也嫌不夠！疼錫一輩子也感覺不夠啊！永遠也嫌不夠』。我當時聽到感覺到非常的感動和震撼，母親對兒女的愛真不可思議地無限。」Sammi仲hashtag話#母親的角色我自問做不來#每位媽媽都是超人。咁又係嘅！好多人都話世上最偉大嘅愛就係母愛。

{{hket:inline-image name="GD.jpg"}}{{/hket:inline-image}}

鄭秀文IG