87歲譚倩紅走出喪夫陰霾 「要好好珍惜每一天」

當年憑《真情》容姨一角爆紅的譚倩紅，雖然已淡出幕前十多年，但佢喺《真情》裡面嘅精湛演出，早已成為唔少人嘅集體回憶！而近日容姨罕有露面，去咗仙姐白雪仙屋企，同汪明荃、羅家英、陳寶珠等紀念任姐任劍輝106歲生忌。只見87歲嘅容姨依然老當益壯，氣息不知幾好，令大家放下心頭大石。

事關自從2015年丈夫林德強不幸離世後，容姨一度陷入人生低谷：「以前兩個人一齊行街、食飯，約朋友見面，已經習慣身邊有人陪，佢臨終前幾日，我一直喺醫院陪佢，睇住佢離開，真係好難過。」丈夫離開後，雖然女兒、女婿、孫女都很孝順，但53年夫妻情很難輕易放下，容姨消沉了一段很長時間，直至某一天她突然想通了：「佢走了剩低我一個，但日子還是要過，成日匿喺屋企難過，他在天有靈都唔開心，可能我天性比較樂觀，就這樣突然想通了。」

從此容姨開始積極面對人生，更笑言要活在當下：「我呢個年紀，仍然活動自如，鍾意去邊就去邊，要感謝上天待我不薄，所以每朝起身都會諗，我仲未離開，又係新一天，我要好好珍惜每一天。」而相信唔少人都很期待容姨能回歸TVB，再拍更多好劇給大家欣賞，可惜佢話：「唔拍啦！年紀大啦！」不過容姨就強調如果係慈善活動，佢都好樂意開金口唱粵曲做善事呀！

{{hket:inline-image name="ds.jpg"}}{{/hket:inline-image}}

汪明荃IG

{{hket:inline-image name="sa.jpg"}}{{/hket:inline-image}}

汪明荃IG