首度擔正驚變倉底貨 張振朗跪求網民幫手

張振朗於2011年加入TVB，由於外型與黃宗澤有幾分相似，當年一出道即獲封「翻版黃宗澤」，成為TVB力捧小生之一。多年來可謂機會不斷，先後於《愛·回家2》、《全職沒女》等擔任男配角，更於《踩過界》飾演偵探，與「視帝」王浩信交手令人留下深刻印象。直至2017，張振朗終於坐正，於《堅離地愛堅離地》首度擔任男主角，卡士有龔嘉欣、黃心穎、陳智燊與劉佩玥等等，故事以創新科技行業為背景，大玩時裝愛情科幻喜劇，並獲香港科學園全力協助拍攝。

由於題材新鮮，未出街已吸引網民注意，有指該劇原定於去年8月播出，誰知最後卻離奇被抽起，至今出街無期，搞到身為男主角的張振朗近日於IG愁爆吐苦水：「老實說呢套劇係咪唔會播......原來都拍完成年半.....我地好俾心機做.....」更hashtag#兄弟們集下氣好嗎#我好想睇，希望網民幫手，就連張振朗都擔心套劇唔會播，可見情況有幾唔樂觀，難怪帖文一出，網民紛紛為佢抱不平：「點解有咁多自己製作嘅存貨，係都要响黃金時間播大陸劇？真係好唔明！」、「依家TVB變咗大陸台，一晚播三套大陸劇。」唔知TVB會唔會聽吓網民意見呢？

{{hket:inline-image name="a.jpg"}}{{/hket:inline-image}}

張振朗IG