劉心悠訴說單身秘密 「唔畀男人傷到自己」

劉心悠最近喺無綫劇集《守護神之保險調查》中擔正做女主角，演出獲得外界讚賞，更有唔少人封佢做女神，不過呢位女神竟然係異性絕緣體，入行多年嘅佢，雖然同唔少型男合作過，但絕少傳出緋聞，亦甚少提及感情事。已經37歲，但一直單身嘅佢，原來對愛情呢樣嘢睇得好化，仲話過男人唔可靠，原來一切都同佢嘅童年有關。

遭父拋棄 自嘲似垃圾

劉心悠未出世時，父母感情已出現破裂。後來雙親離婚，喺單親家庭長大嘅佢，一直同媽媽相依為命。「七、八歲時，我好掛住爸爸，但一直都冇得見佢，每次問起，屋企人就會話佢喺好遠嘅地方做嘢。直至有次，先突然同我講，爸爸其實唔係去咗做嘢，而係唔要我同媽媽。」劉心悠知道真相後，覺得自己毫無價值，連爸爸都唔要佢，同垃圾冇分別，從此變得自卑。

{{hket:inline-image name="tee.jpeg"}}{{/hket:inline-image}}

劉心悠微博

童年陰影 對男人有防衛心

幸而兩父女邊有隔夜仇，父親一個電話令心悠成功打開心扉：「幾年前，爸爸主動打嚟，我哋約咗出嚟，當時佢同我講咗三次對唔住！」嗰一刻心悠覺得三十幾年嚟嘅怨恨終於可以放下，所以原諒咗爸爸。「我選擇放低對佢嘅敵意，其實對我嚟講係一件好難好難嘅事，但我決定放低敵意嘅原因，可能係因為自己樂觀。」

雖然放下心結，但始終難以揮去父母離異嘅陰影，令她異性充滿戒心：「因為自己細個嗰陣已經畀爸爸傷害過，我唔可以再畀其他男人傷到自己，我對男人係有防衞心，佢哋做啲咩，我都會覺得係另有目的。」仍然單身的她更笑言愛情只是點綴，並非必需品，所以一切隨緣，唔會勉強喎！

{{hket:inline-image name="te.jpeg"}}{{/hket:inline-image}}

劉心悠微博