玉姐被逼做小販 感激汪明荃雪中送炭

阿姐汪明荃尋日上載與銅鑼灣玉姐的合照，並留言：「玉姐話：『我仲咁勤力，你都唔可以退！』」原來當日阿姐係專登帶埋親手整嘅蘿蔔糕為玉姐打氣，雖然一個是大明星，一個只是在銅鑼灣擺檔的小販，兩者看似風馬牛不相及，但原來兩人識於微時，阿姐更係玉姐嘅熟客仔。

現年70多歲嘅玉姐，在銅鑼灣賣絲襪五十幾年，成功養大五個仔女！當年佢由街邊小販做到進駐地舖，又兼賣潮襪，連徐濠縈、關之琳都幫襯佢，阿徐仲大讚佢有taste，可惜由於自由行威力實在太大，搶貴晒銅鑼灣一帶嘅舖租，玉姐於2012年同業主傾新租約時，業主將租金由原本八萬五一口氣加至15萬，阿姐知道後即刻幫手，玉姐感激道：「家英哥係業主契仔，因為阿姐係我熟客，家英哥就幫手傾，雖然傾到9折，但都要13萬8，你叫我點頂？」其後玉姐被逼還原基本步再做小販，不過她絕無氣餒，七年來一直自食其力永不言休，這份不屈不撓精神，絕對值得每位香港人學習。

{{hket:inline-image name="te.jpg"}}{{/hket:inline-image}}

汪明荃IG