「當我係成龍」 杜汶澤：你咁樣侮辱我

成龍大哥雖然貴為國際巨星，但自從爆出小龍女風波後，多年來有關他的爭議可謂未停過！近日杜汶澤於自家網上節目《喱騷》更突然向大哥開火，事緣他之前拍攝煮嘢食時，有工作人員不慎切傷手要call白車，另一位工作人員憶述當時情況就話：「當時諗住call白車照拍，可以當大哥啲戲嘅NG片咁播。」點知阿澤聽後反應極大：「你當X我係成龍？你咁樣侮辱我！」大膽程度真係聽到人個心離一離，嚇到該工作人員急急打圓場：「唔係話你係大哥，係話佢（傷者）。」阿澤先回復正常，見佢咁大反應，難怪惹來唔少網民猜測：「到底佢哋點解咁大仇口」