昆凌fit爆99磅 靠神奇飲水減肥法

減肥堪稱唔少女士嘅終身事業，不過有時無論你食幾少都好，體重就係唔跌，甚至仲會增磅，都咪話唔灰呀！但周杰倫老婆昆凌就話未驚過，事關佢最近迷上飲水減肥法，即係乜？最近有德國科學家提出「8杯水減肥法」理論，事關人體有70%係水，只要每日飲8杯250cc水，就能有效促進新陳代謝兼排出毒素，昆凌就係靠呢個方法擁有99磅完美身形，連周董都大讚老婆fit到爆呀！

第一杯：起床後早餐前

睡醒時身體處於缺水狀態，所以喺早餐前飲杯水，能清理體內廢物，幫助排走宿便。

第二杯：早上9時

呢個時間正係腸胃排毒嘅黃金時間之一，趁機飲水能排出毒素。

第三杯：早上11時半

接近lunch，上班族可能會覺得肚餓，飲杯暖水可以增加飽肚感覺，防止之後食太多。

第四杯：下午1時

午餐只吃七分飽，再加一杯水，可幫助消化同增加飽肚感。

第五杯：下午3時半

要避免食下午茶，飲杯水就算，如果覺得太淡，可加檸檬調味。

第六杯：下午5時半

食晚飯前飲杯暖水，用意同lunch前一樣，感覺飽d，之後食少啲。

第七杯：晚上7時

食完飯飲杯水，可促進血液循環同排毒，更有研究指呢個時間飲水，可產生運動效果，真神奇！

第八杯：晚上9時

瞓覺個陣，人體係唔識補充水份，所以在睡前兩小時飲水，可幫助調節血液濃度，防止血液變得濃稠。