網上討論區「連登」未必只是年輕人的世界！78歲連登絲打「SNOW」日前再次開Post玩「你問我答」，除了分享近況，指正學習用WhatsApp的Emoji及圖片傳送功能外，又解答一眾網民的感情問題。不過搞笑背後暗藏洋蔥，其代為開Post兼打字回覆的孫女早前確診生腦瘤，現正等待安排開腦手術。她解釋自己與外婆在連登開Post的原因，是希望記錄自己與外婆的生活點滴。
SNOW表示，自己正學習用WhatsApp的Emoji及圖片傳送功能，「我今日學咗呢啲，所以好想開post」，吸引大量網民留言追Post問問題。對於網民「對而家速食式愛情有咩睇法」的提問，SNOW回答稱：「依家啲愛情太化學囉，一味貪玩，無諗後果。男仔女仔都有負任呀！」另有男網民開玩笑，稱要與婆婆展開忘年戀，SNOW大反應地稱：「哎呀撞鬼，唔使客氣，我初戀情人就係我老公。」
此外，亦有男網民指自己剛與「以為會同佢結婚一齊變老嘅女仔」分手，遭問婆婆「有咩忠告」，SNOW回答稱：「咁大家一定有問題先分手嘅，唔係唔會大家行到呢個地步先分手嘅。係可惜架，但你要搞清楚有咩問題，唔係就盞痛苦一世呀，到結婚就唔係講玩架喇。」另有女網民指自己就結婚，但擔心「唔可以一齊行到最後」及「驚相處得唔好」，SNOW直言：「咁無信心結婚結嚟做咩？……如果真係好驚你要了解清楚啲喇。」對於自己後生時有沒有後悔之事，SNOW表示：「無話特別想做咩，係後生用咗太多時間俾家婆蝦。」
而在Post中除了有婆婆的回應外，亦有其孫女的剖白。孫女表示，她2月尾要入院一星期檢查腦部，「我有一個良性瘤喺腦部右後方，近視神經。雖然唔會話有生命危險，但會癲癇發作，小型嘅有見到閃光、影響視野一陣，大型嘅可以無端端暈咗。」檢查過後便可能會接受手術，「講到開腦其實我都淆淆地，又唔知使唔使剃頭，但為咗婆婆我會俾心機」。她又指，婆婆就像太陽一樣給予溫暖，「呢個係我想記低自己同婆婆點滴嘅最大原因……我只係希望自己可以好好生存/生活，透過開post畀大家認識下，原來香港有一對咁嘅婆孫……喺度順便鼓勵一下情緒/身體有唔妥，或者任何一方面『唔正常』嘅朋友。」
除了在連登出Post外，孫女又替婆婆在instagram開設帳戶，並響應近日熱爆的「10 Years Challenge」，上載母親與婆婆10年前及現在的對比照，以及婆婆60年前及現在的對比照。對於兩婆孫的健康，不少網民留言表示支持，「婆婆，祝你身體健康呀」、「加油呀樓主」、「婆婆！天氣凍著多件衫！另外孫女唔好放棄！加油！」同時，亦有網民表示感動，「第一次睇連登睇到覺得人間有愛」。
據了解，SNOW兩婆孫6個月第一次在連登出Post，旋即引來熱議，更有不少網民質疑婆婆的身份。為了釋疑，孫女替婆婆拍下一張拿起寫上連登帳號字條「遮樣」的照片，來證明自己是「真絲打」，兩婆孫其後更接受過傳媒訪問。婆婆曾交待自己有孫兒及孫女，因真名有「雪」字，因此用SNOW作網名。而孫女今次亦有在Post中再次表示：「我覺得俾大家見到老人家學識玩emoji，試吓上嚟同巴絲傾計，對於唔多唔少都會接觸長輩，但又未必識相處嘅年輕人，可能係一件好有力量嘅事。我真係同婆婆一齊睇，佢又真心答問題，邊個打字都唔係太重要啫。」