【IG女神】10年前曾患骨癌 傷殘運動員林芷煖永不言棄

香港運動界又多了一名新晉女神！香港傷殘羽毛球代表林芷煖近日憑著甜美外表，成為網民熱捧的IG女神。她並非空有外表，出身羽毛球世家的她自小與弟弟一起練習羽毛球，夢想是成為運動員。可惜，她10年前不幸患上骨癌，錯過了當運動員的機會，左手更因而有缺憾。但她未有放棄，在家人支持下，最終成功在去年加入香港傷殘羽毛球代表隊，更多次獲獎。

{{hket:inline-image name="lam2201201915.JPG"}}{{/hket:inline-image}}

{{hket:inline-image name="lam220120197.JPG"}}{{/hket:inline-image}}

林芷煖10年前六年級時，不幸確診患上骨癌。她曾發文表示，當時因患病而「白白斷送了當運動員的一個機會」，「當時我只係一個唔識死，淨係會擔心自己冇晒頭髮會好醜樣嘅一個妹妹（而家都好似係）。又覺得自己好唔爭氣，最fit的physique同timing都有，竟然走左去養病。之後一入院就入咗去一年半。」

{{hket:inline-image name="lam2201201913.JPG"}}{{/hket:inline-image}}

{{hket:inline-image name="lam2201201918.JPG"}}{{/hket:inline-image}}

她表示，經過28次化療後，身體被打敗得體無完膚；病好後，「除咗要努力咁融入去做一個全世界都覺得你係異類嘅中一插班生，仲有就係好想操返練返起，但身體有啲嘢切咗就切咗，點練都唔會生返出嚟。甚至做任何運動都提唔起勁。以前由一星期練足六日，星期日去比賽，到幾個月先練一次波。中間轉變好大但往往唔及對自己的失望大。」

{{hket:inline-image name="lam2201201916.JPG"}}{{/hket:inline-image}}

因為骨癌，其左手更換了金屬骨，「舉唔到手，拍唔到掌」，但她表示：「有時會覺得自己是幸運的一個，好生唔生生咗喺另一隻最唔影響我行動而又唔常用嘅副手。至少我仲可以打波呀嘛。」去年她毅然辭職，憑著實力加入香港傷殘羽毛球代表隊，正式成為運動員圓夢。去年10月，她更在亞洲殘疾人運動會（亞殘運）上，勇奪羽毛球女子SU5級單打單循環賽銅牌。

{{hket:inline-image name="lam2201201917.jpg"}}{{/hket:inline-image}}

{{hket:inline-image name="lam2201201912.JPG"}}{{/hket:inline-image}}

而她的家人，亦對其給予了莫大支持；她與弟弟感情甚篤，兩姐弟除了一起長大、打羽毛球，亦曾結伴同遊。弟弟曾在instagram發文表示：「10年前，一場大病奪走晒你嘅一切，令你對羽毛球失去興趣，但慶幸你從死神手中逃脫岀來。家姐完成唔到既夢想應該要由細佬完成，但當細佬都完成唔到嘅時候，機會再一次放喺你眼前，你一定要好好珍惜呢次機會，帶住自己嘅夢想加埋我嘅夢想衝岀香港，踏上國際舞台，每一場波都唔好俾自己有遺憾。我一定會喺你後面幫助你同默默咁支持你。」

{{hket:inline-image name="lam220120191.JPG"}}{{/hket:inline-image}}