《愛回家》再大改革 劉丹滕麗名隨時遭殃

自從Mandy（謝芷倫飾演）與博士（馬貫東飾演）確定離開《愛回家之開心速遞》之後，好多粉絲都表示捨不得，甚至揚言要罷睇，已經鬧到滿城風雨。點知TVB為了賺錢賺到盡，有傳馬上出新招將劇中的「新威龍廣場」擴建，搭個更大的廠景，有指今後有更多集數會以商場為題材，方便於商鋪店鋪插入更多植入式廣告，增加收入。消息一傳出不少網民即怨聲再道，認為這幾天TVB已經不斷於《愛回家》硬銷杏仁脆脆好好食，非常牽強，要求TVB要落廣告都要有技巧一點：「可唔可以收起阿蕭塊1:1紙板同露台燈箱，每次鏡頭掃過去都俾佢嚇親」、「近幾個星期賣暖水壺，賣到個個都有用，送水輝買咖啡嗰吓放到勁大個保溫杯牌子，會唔會太誇」

{{hket:inline-image name="21.jpg"}}{{/hket:inline-image}}

其實賣廣告事少，有網民更擔心連劇情都會受到影響，事關以根叔（劉丹飾演）一家人的家庭線，以及金城安（周嘉洛飾演）的大學青春友情線為例，他們的戲份都與威龍集團無關，很難出現於威龍廣場。所以如果《愛回家》真係要加重威龍集團的比重，可能劉丹、滕麗名就會隨時遭殃，步Mandy後塵。但講真呢兩條線同Mandy、博士一樣幾受歡迎，前者大賣溫馨的愛，後者睇廢青安仔與朋友們的互動又夠搞笑，萬一真係減戲份，相信又會引來很多網民聲討！有人就話：「唔好係咁cut人啦，不如寫樹根去做威龍百貨part time算...」、「如果係咁不如直接做廣告雜誌啦，仲使鬼睇佢哋咩」

▼固執的根叔令人諗起家中長輩

{{hket:inline-image name="18.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

▼安仔與尚善 (滕麗名飾演)的母子、大學友情線都好搞笑

{{hket:inline-image name="19.jpg"}}{{/hket:inline-image}}

{{hket:inline-image name="23.jpg"}}{{/hket:inline-image}}

▼隨住Mandy（右二）與博士（右一）的離開，《愛回家》齊齊拜年的畫面已經成為絕響，相信很多粉絲都會相當痛心

{{hket:inline-image name="11.jpg"}}{{/hket:inline-image}}