李克勤踢波受傷 反遭炮轟網絡欺凌

李克勤出名鍾意踢波，不過佢近日喺馬來西亞踢友誼波就竟然變咗嬲嬲豬。事關佢尋日喺IG story上載喺場邊踢完波嘅短片，投訴對方14號球員踢得一啲都唔友誼，仲展示自己被人踢到甩晒皮嘅慘況，本來訴苦無問題，弊在克勤竟然走去拍埋「兇手」個樣，一併放晒上網進行網絡公審，事件於多個討論區造成激烈迴響，但大部份網民並唔係同情克勤，而係鬧佢進行網絡欺凌，「你係大明星，拍人個樣又唔打格，想點先？」、「踢波就梗係會受傷，你話人唔友誼，但又無講實況，咁公審好唔公平。」更有人批評克勤傷勢咁輕，似乎小題大造：「踢波甩皮有邊個未試過？咁驚受傷，不如去打乒乓波」大家又點睇克勤嘅做法？

{{hket:inline-image name="fdf.jpg"}}{{/hket:inline-image}}

{{hket:inline-image name="fgfgf.jpg"}}{{/hket:inline-image}}

{{hket:inline-image name="fdsd.jpg"}}{{/hket:inline-image}}