為外傭需否夾錢外遊徵意見 港媽被網民鬧爆： 你出trip會自己俾？

帶外傭外遊，要外傭夾錢？近日一位女僱主在網上發文，詢問網民「帶埋工人姐姐去旅行，會唔會叫佢俾少少錢」，雖然她強調旅行期間兩名兒子均無需女傭照顧「出去純粹玩」，但網民幾乎一面倒大鬧樓主無常識，有人留言稱：「如果老細要你出Trip，你會唔會自己俾錢？」

該女事主在日前在Facebook群組「外傭僱主必看新聞訊息」發文，指將全家到北京旅行，形容「全程5星級別」，機票加酒店人均4,000元，未計飲食開支，全部加起，保守估計開支超過6,000元，並強調2位分別11歲及21歲的兒子，旅行時不用女傭照顧。她指出發前曾徵求女傭意見：「佢話想一齊去，唔想一個人留屋企」。

雖然說女傭自願參與，但網民卻有不同睇法，認為與僱主出國毋需自費似乎是大眾共識，有留言指：「如果我出國工幹仲要我俾錢，咁好搞笑啫」、「迫人去仲要迫佢俾錢？你個腦有冇事」、「有需要佢存在妳就要包佢食住交通費」。

雖然樓主早已「戴定頭盔」，指「冇諗住叫佢俾錢啊」，表明單純想了解大家做法，然而不少網民認為樓主「無咁好死」，出國後勢必要工人姐姐「執頭執尾」。最後未知是否因引來太多爭議，事主只好將貼文刪除平息事件。

{{hket:inline-image name="maid180120191.jpg"}}{{/hket:inline-image}}