公安緊急介入 伊能靜驚爆宣揚邪教

被喻為是非女王的伊能靜，最近又出事喇！事關佢喺尋日突然於微博好感性咁話：「十年前，在生命最混沌的時刻，我去了印度，見了智慧尊者阿瑪巴關老師，在那段旅程中，我看見了自己。十年後此刻，再一次與尊者阿瑪巴關相遇……我一個人幸福不再是幸福，我的孩子幸福不再是幸福，而是這世界上每個人都幸福。」聽落係咪好偉大呢？不過大家咪讚住，文章結尾，伊能靜落力推介大家上「自我成長三天工作坊」，仲留晒電話，方便報名，有網民指佢推介啲課程學費要過萬蚊人仔，搞到唔少人都質疑伊能靜係咪好等錢使，點解走去做傳銷？

{{hket:inline-image name="fedsfsw.jpg"}}{{/hket:inline-image}}

伊能靜微博

{{hket:inline-image name="gd.jpg"}}{{/hket:inline-image}}

伊能靜微博

但原來好戲在後頭，有網民指阿瑪巴關所辦的印度合一學院涉及邪教：「印度合一學院，在2012年以前，也叫合一大學，在2012年，這個大學也在全世界宣揚世界末日，並借此對信徒進行精神控制。」其後唔止中國反邪教組織衝出嚟提醒大家小心，就連中國警方在線亦hashtag中國反邪教組的留言，再三提醒大家。

而大批網民更聲討伊能靜藉明星效應宣揚邪教，隨著風波愈鬧愈大，伊能靜唯有出絕招，急急刪除微博避禍，不過網民依然咬住唔放，叫佢盡快公開交代事件。其實伊能靜都唔係第一次出事，除咗有多年來揮之不去嘅整容傳聞外，當年同哈林庾澄慶離婚時，更驚爆出軌疑雲，唔知呢鋪佢點科呢？

{{hket:inline-image name="gdg.jpg"}}{{/hket:inline-image}}

網上截圖

{{hket:inline-image name="rwee.jpg"}}{{/hket:inline-image}}

網上截圖

{{hket:inline-image name="fefss.jpg"}}{{/hket:inline-image}}

網上截圖