何雁詩變三級女主角 吳若希抽水贈興

26歲歌手何雁詩除咗好鍾意唱歌之外，6歲開始就有打開高爾夫球嘅佢，自從上年贏咗「香港業餘高爾夫球女子賽」冠軍之後就密密去健身房操練，希望可以keep住最好狀態。由於上圍豐滿，身形凹凸有致，何雁詩對自己似乎都充滿自信，成日自拍post上instagram吸咗唔少男fans，不過最近一條片就惹嚟唔少網民討論，仲誇張到話佢好似三級片女主角！

睇返條片，原來何雁詩趴喺凳上面，表情猙獰，一時皺眉咬牙忍痛唔嗌出聲，一時又忍唔住痛苦呻吟，加上後方出現一名神祕男子，唔怪得會引發網友聯想：「隔住個芒都覺得痛，仲以為有人虐打緊你！但你又好enjoy咁」、「身為公眾人物，你咁豪放唔係幾好，好似拍緊三級片咁，容易令人誤會」。之但係原來大家都諗錯隔離呀！何雁詩就解釋：「運動過後，放鬆肌肉都好緊要～不過真係好痛」，個神秘人唔係男朋友鄭俊弘亦唔係其他男人，原來是教練幫佢按摩放鬆肌肉啫。

{{hket:inline-image name="12.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

完整影片：https://www.instagram.com/p/BsaN-VmgZrs/?utm_source=ig_share_sheet&igshid=sz23gr4j83mm

原本以為件事告一段落，點知同公司嘅吳若希冇幫到口，仲繼續愈描愈黑：「呢個明明係痛得嚟好舒服既表情」，又帶埋成班網民繼續諗錯晒。更有網民指吳若希係專登留言贈興，事關何雁詩原來同吳若希有牙齒印，嗰陣何雁詩啱啱過檔星夢娛樂，講明要挑戰一姐吳若希，結果搞到鬧不和。而去到早前吳若希因為一句：「恭喜呀一姐」祝賀Hana菊梓喬奪TVB「最受歡迎電視歌曲」，被外界解讀為有骨贈興，觸發雙方粉絲罵戰，何雁詩冇幫口不特止仲話：「花生吃得很飽～」，難怪有人話今次吳若希係專登報仇喎：「機會嚟喇，飛雲，相信阿吳小姐等咗好耐啦！」到底吳若希今次係咪有報仇？咁就留待大家判斷喇！

{{hket:inline-image name="17.jpg"}}{{/hket:inline-image}}

▼之前單嘢

{{hket:inline-image name="15.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}