誇張！黃龍石澗淪洗衫場 大媽洗內衣褲好嘔心

大嶼山黃龍坑石澗為香港9大石澗之一，雖然早前已曾爆出有人在該處作出胡亂游水、洗衫及燒烤等劣行，但有關亂像現時仍未止息。有網民在Facebook群組「東涌friends club」爆料，指今早發現有人在黃龍坑洗衫、煮食，現場猶如「天然洗衫煮食場」，引來網民嘩然。該網民接受《晴報》訪問時，更表示：「朝早大媽或村民（在該處）游水、洗衫，下午係南亞人聚集點。假日係工人姐姐、南亞嘅集中地。」

{{hket:inline-image name="water070120191.jpg"}}{{/hket:inline-image}}

從網民Debby上傳圖片顯示，有數名大媽正坐在石澗旁邊，彎下腰用力在石上搓洗衣服，其中包括內衣褲；洗乾淨後，她們便將衣服掛到在石澗邊一早已設置好的晾衫繩上晾曬。除了洗衫外，現場不乏木桌、膠櫈、月曆等生活物品，該些大媽更會在場生火煮食，十分誇張。

{{hket:inline-image name="water070120192.jpg"}}{{/hket:inline-image}}

「水質明顯差左好多！水好多青苔。」Debby其後留言指出，在夏日，該處會變成游泳池，「池邊整左塊布響水底應該係攔住啲山水。但係成塊布已經起晒青苔」；每天下午，該處更會成為「南亞樂園」，「本地人行落去眼啤啤㗎」。除了游水、洗衫及煮食外，「話你知！其實上游一早就有沖涼洗頭。果度啲草咁高，大小二便埋一啲都唔奇。黃龍坑咁嘅情況唔係今日先係咁。」

{{hket:inline-image name="water070120194.jpg"}}{{/hket:inline-image}}

Debby接受本報訪問時，指自己是逸東邨居民，不時會到該處遠足，而涉事者「應該大部都係逸東邨居民」。她指出，雖然曾有傳媒追訪過相關情況，但到了今時今日仍然「冇改善過」，「見過洗衫、包括內衣、窗簾、蚊帳，總之乜都洗。（有冇用化學品洗衫？）總之會起泡嘅。」除了洗衫外，涉事者更會「響嗰度生火煮食，會有山火」，「因為係大自然嘅野，個個都可以嚟。不過對環境水質影響多啲，同埋佢地改晒原有嘅天然環境，路俾佢地改晒。」

{{hket:inline-image name="water070120195.jpg"}}{{/hket:inline-image}}

此事引來網民憤慨，不少人認為涉事者行為惡劣、缺德，「生態污染㗎喎」、「胸圍底褲都喺嗰度洗！好嘔心呀！」、「佢地當咗係自家後園，水費都慳返」、「這情况存在了很多年，情况越來越嚴重」。根據本港法例，任何人在郊野公園內污染溪流、水道、水池或水潭，可被判處罰款2,000元及監禁3個月。但由於早前已有報導指出該處亂像叢生，到現時仍然是「無王管」，因此有網民認為，有關問題已經到了「做乜都冇用」的境界：「結果都係不了了之，情況依舊。」