葉璇怪行全面睇 晒半裸漫畫搏乜

曾幾何時，拍過《封神榜》、《衝上雲霄》等經典作的葉璇，算得上TVB當家花旦之一，但她於2005年毅然離巢，北上發展，以為能闖出一片天，誰知換來的卻是十幾年蹉跎歲月。雖然代表作欠奉，但她卻不時表演出位怪行，試過上電視做訪問激踩廣東話、大讚講普通話先係型，惹來不少批評。繼而於去年又表演控告當時男友小默的舊愛呂小姐誹謗，結果被法院裁定敗訴，要道歉兼賠償，但葉璇竟拒絕執行，被法院追加「限制消費令」，連飛機都唔搭得，風波至今仍未解決。

雖然有官司纏身，但葉璇似乎唔多愁喎！近日佢就突然喺微博上載兩張半裸漫畫，只見一對男女半裸躺在床上，態度親暱，佢仲留言話：「一把我接回家，晚飯就備上了我的最愛，真是最體貼的小乖。一夜好夢。早上好！」由於實在太有畫面，唔少網民都好奇到底啲畫係邊個畫，同埋畫中人係咪代表葉璇同佢男友喎，不過能夠將房事都擺上網同大家開心share，相信女星之中，可能真係得葉璇做得到。

{{hket:inline-image name="YE.jpg"}}{{/hket:inline-image}}

葉璇微博

{{hket:inline-image name="JG.jpg"}}{{/hket:inline-image}}

葉璇微博