創新好意頭迎豬年 大師姐首推蠔皇蘿蔔糕

踏入2019年，距農曆新年只約一個月，又係時候備定年貨！年糕、蘿蔔糕等賀年糕點當然唔少得，但食慣傳統口味，黛安成日心思思想試新嘢，著名傳統食物品牌「大師姐」就有好介紹喇！為咗迎接豬年，佢哋決定推出全新嘅「蠔皇蘿蔔糕」，用上優質嘅日本蠔豉，鮮味可口，創新之餘，亦相當好意頭，黛安食完都覺得非常好味！相信大家都會好欣賞啊！

椰汁年糕同樣是熱賣產品

下個月就係農曆新年，賀年糕點實用又好食，送禮自奉兩皆宜。大師姐全新嘅「蠔皇蘿蔔糕」，將有「發財好市」意頭嘅日本蠔豉，連瑤柱、冬菇混入蘿蔔糕之中，食落濃濃鮮味，將大家平日會食到嘅蘿蔔糕「連升幾呢」，黛安試過，覺得非常惹味。

「大師姐」品牌負責人麥麗敏同黛安分享，話蠔豉係家人過年過節最愛嘅餸菜之一，次次都食到舐舐脷，所以一於試下用嚟整傳統蘿蔔糕，先發現原來當中嘅海洋氣息，同蘿蔔咁夾，可以引晒啲甘甜味出嚟，一於整成產品同大家分享！「大師姐」仲同黛安分享，好多人都以為深圳沙井蠔豉最好食，其實最靚嘅係日本蠔豉至真！當中1隻嘅size大小已經等同5隻沙井蠔，味道更好，好意頭亦大大升級。

除咗新產品外，品牌中嘅全素「法國牛肝菌蘿蔔糕」、「椰汁年糕」等一直都非常好賣，其中後者由馬來西亞出產嘅頂級椰子製成，椰香超濃，係黛安最愛，有興趣嘅朋友仔記住唔好錯過，即刻上網訂購喇！