樂基兒懷孕6個月做倒立瑜伽 網民：有無諗過失手後果

成日聽人講孕婦有好多禁忌，為咗安胎，好多嘢都唔做得，好似唔可以做劇烈運動、搬重嘢等等。不過陀住6個月B仔的樂基兒就顯然未驚過，事關今日佢喺社交網站上載做瑜伽嘅相片，竟然大玩倒立！而相中所見，佢雖然已經有咗6個月，但唔止手腳纖幼，連個肚都唔係好明顯。

雖然樂基兒展示出高超瑜伽技巧，不過網民就似乎有啲不滿喇，有人更好擔心佢嘅腹中BB，「知妳做瑜伽好叻，但呢個世界有樣嘢叫意外，有無諗過失手後果？跌落嚟整親BB點算」、「呢張相話畀大家知藝人呃like可以去到幾盡」不過亦有人話樂基兒咁大個人，應該知自己做緊乜，大家唔使擔心喎，但其實講到尾，網民咁緊張，都應該係出於善意嘅，點講都好，都係小心啲好！

{{hket:inline-image name="yr.jpg"}}{{/hket:inline-image}}

{{hket:inline-image name="sc.jpg"}}{{/hket:inline-image}}