為愛女戰勝腦瘤 劉家聰圓夢重返TVB

先後效力過無綫、亞視與有線的藝人劉家聰，雖然星途未如理想，幸而擁有幸福家庭，有恩愛的老婆與可愛的女兒，誰知命運卻開了一個大玩笑，某日他發現腦內有6cm腫瘤壓著神經，十日內唔開力就隨時講byebye：「當時我只係不斷諗，我唔可以死，我唔可以掉低個女！」就在這份信念下，三個醫生進行了七小時手術，雖然最終令家聰逃出鬼門關，但卻花光了他的70萬多萬積蓄，一切要由頭開始。

{{hket:inline-image name="GDG.jpg"}}{{/hket:inline-image}}

劉家聰IG

由於當時家聰已離開有線，回復自由身，只能靠freelance工作養家，加上又已耗盡積蓄，兼人到中年剛好踏入40歲，壓力可想而知！好彩正所謂大難不死必有後福，無綫藝訓班出身嘅家聰，多年嚟一直有個心願就係重返娘家TVB：「我其實好想返無綫做演員，因為我想演活人生，以前拍嘢喊唔出，但依家可以眼淚在心裡流！我好高興無綫搵咗我傾，我大命好返，仲有咁好嘅機會，畀我實現最大嘅夢想，我會將人生經歷，放落將會參演嘅新劇度！」俗語話大樹好遮蔭，家聰如今不單可以解決經濟問題，仲有機會繼續在演藝界發光發亮，希望今後佢可以拍更多好戲畀大家睇啦！