趕盡殺絕柯震東 房祖名離奇放生

2014年的涉毒風波，令房祖名與柯震東同被列入劣跡藝人名單，即係但凡涉及他們的大作，都不能於內地上映，失去13億人口龐大市場，意味星途大大鑊！為逃過封殺厄運，柯震東多年來一直努力重新建立形象，不時參與公益活動，搏命洗底，又多次出口術話想拍戲，點知佢呢頭話想拍，轉頭就有官媒開腔話絕不放過劣跡藝人，擺到明係要趕盡殺絕，而近日他又再於IG吐苦水：「等待等待.......這幾年一直都在等待.......」認真慘情。

{{hket:inline-image name="d.jpg"}}{{/hket:inline-image}}

柯震東IG

不過正所謂同人唔同命，正當柯震東仲係等運到之際，房祖名就成功轉型向幕後發展做導演，處男作《北京晚九朝五》，請來老竇成龍、謝霆鋒、曾志偉、陳柏霖與郭采潔等參演，戲癮大發嘅祖名仲有份粉墨登場，弊！台前幕後都撈晒，咁套戲咪無得喺內地上？非也，非也，近日據內地媒體最新報道，《北京晚九朝五》已定於明年初在內地上映，代表祖名成功逃出封殺名單，難怪消息一出，惹來不少網民炮轟大細超：「點解放房祖名，只係封殺柯震東」、「無計啦，柯震東老竇姓柯，房祖名老竇姓成嘛」更有網民從宣傳片中搵到志偉嘅超正對白：「父母只能給你，你需要的」不過成龍就一於少理外界流言蜚語，對於參演祖名的新戲，他又有偉論：「我爸爸怎對我，我就怎對祖名，有時候我覺得自己不是好父親，但我是一個負責任的父親。」係咪好正先？

講咗咁耐，到底祖名執導嘅大作有幾勁？睇故事簡介，話說北京有一個叫「愛樂」的地方，裡面有來自各地到北京打拼的人，他們為了實現夢想努力奮鬥，從而交織出一個個有愛情、有友情、有歡笑、有淚水的感人故事，莫非係祖名的自身寫照？

{{hket:inline-image name="ww.jpg"}}{{/hket:inline-image}}

《北京晚九朝五》截圖

{{hket:inline-image name="rw.jpg"}}{{/hket:inline-image}}

《北京晚九朝五》截圖

{{hket:inline-image name="ere.jpg"}}{{/hket:inline-image}}