與英皇十年恩怨 梁洛施點解破冰

成日聽人講東家唔打、打西家，不過做藝人就可能麻煩啲，事關大多當紅藝人離巢都例必鬧出連串是非，不過要數到最轟動兼搞到一地花生嘅離巢風波，定非2008年由梁洛施主演嘅「英皇走佬記」莫屬，事關當年Isabella戀上李澤楷後，決心離開娛樂圈重返校園，但由於梁洛施仍與英皇有合約，結果搞到打官司，搞到是非浪接浪，當中重點更圍繞所謂的苛刻合約。

與mani隔空互罵

記得當年身為英皇高層兼梁洛施經理人的Mani霍汶希於接受訪問時直言：「合約苛刻？不能這樣說。我手下有30多個藝人，走了的只有一個梁洛施。」被指暗寸對方反骨，Mani言論一出，即時觸發梁洛施陣營反擊，當時身為Isabella發言人的盧覓雪就直指：「梁洛施雖然身在外地亦絕少曝光，但仍不斷被前度經理人公司的高層霍汶希，在公開場合中出言針對，經常暗示她的求去是反骨所為……霍汶希似乎自相矛盾，因為千方百計要求解約離開英皇的藝人也大有人在。」導致彼此關係勢成水火。

其後雙方對簿公堂，梁洛施方面的入 稟 狀指，梁洛施於12歲時與公司簽了18年長約，當中有 多 項 不 平 等 條 款 ，包 括她 不 可 主 動 解 約 ，只得公司有權解約，而且解約後，於七 年 內不 能 再 於 任 何 地 方 從 事 娛 樂 工 作，另外，公司無 責 任 為她出 碟，假若公 司 不 提 供 工 作 ， 她 亦 無 權自行接工作。梁洛施陣營指由於合約不公，故要求法庭宣布合約無效，而官司更長達半年，最終雙方達成和解，梁洛施成功離開英皇。

合照破冰？

十年過去，如今梁洛施亦經已復出，唔少花生友都好關注佢同英皇嘅關係，而近日容祖兒突然上載合照，相中唔止有梁洛施仲有Mani，莫非佢哋真係一相泯恩仇？難怪張相一出，唔少網民都好驚訝點解Isabella會喺度：「佢哋幾時friend返架？當年Mani唔係鬧人反骨女咩？」「呢個圈咁細，可能當年佢哋都係收order做嘢。」不過亦有人質疑佢哋根本無破冰：「張相得祖兒post，梁洛施都無post，可能咁啱朋友聚會撞到，應酬下囉」到底係真破冰定純屬巧合影張相？大家唔使再估喇，就由主角主一Mani親自解答：「Isabella返嚟香港之後，我哋有撞返，講話要約食飯，噚晚就食咗。」原來呢個世界真係無永遠敵人架！

{{hket:inline-image name="yuy.jpg"}}{{/hket:inline-image}}

容祖兒IG