萌爆柴犬工房SHIBE 大派《晴報》福袋

每年聖誕節，《晴報》都會舉辦唔同嘅活動與眾同樂，今年亦不例外。繼早前舉行了「聖誕美粧示範連柴犬抱抱會」，破天荒請嚟星級化粧師Will Or及SHIBAinc柴犬工房到場，同百多位讀者及KOL進行互動交流之後，上周五（14日）中午時分更在本港十個熱點大派「扮靚福袋」Beauty Bag，而萌爆全城嘅SHIBAinc柴犬工房主角SHIBE更現身於銅鑼灣街頭幫忙派發福袋，場面十分哄動！

稱得上「扮靚福袋」嘅Beauty Bag，當然內外都有乾坤。首先，福袋嘅兩面都印上不同造型嘅SHIBAinc柴犬工房嘅一眾主角，內裏更附贈多款大熱美粧、身體護理產品試用裝以及健康產品等，好多領取了Beauty Bay嘅讀者都大讚福袋美觀內裏贈品則相當實用，並即時舉起福袋與SHIBE來個合照，而且仲即時分享到facebook及Instagram。

隨後，《晴報》fb頁面更有讀者要求加碼，甚至要求購買Beauty Bag，證明SHIBAinc柴犬工房萌爆威力勢不可擋。其實上周五換唔到Beauty Bag嘅讀者毋須失望，留意12月19日嘅《晴報》fb，就有機會帶走Beauty Bag，記得把握最後機會唔好錯過呀！

黛安明白，《晴報》作為全港第二大報章，一直都關心讀者，而且仲好似SHIBAinc柴犬工房一樣，每天發送無限正能量，而上周五《晴報》出刊頁數接近200版，反映聖誕專輯真係深受讀者支持。而《晴報》嘅SIS亦希望透過黛安嘅專欄，與《晴報》仝人及SHIBAinc柴犬工房祝各讀者與所有毛孩們都有一個溫馨歡樂嘅聖誕。