想問成龍一條問題 吳卓林：阿媽點解會咁

小龍女吳卓林同父親成龍嘅傳聞，多年來一直版本多多，一時傳成龍曾秘密接濟卓林，一時又有指卓林為認父親，決定跟隨成龍改姓陳（成龍原名陳港生），但今日卓林接受傳媒訪問時，就否認種種傳聞，唔止強調從來無貪過成龍嘅財產，仲話自出世以來一直未見過父親，而由於「小龍女」之名所累，卓林坦承從小開始心理已出現問題，自己很容易衝動。

對於當日為何突然拍片公開尋父，卓林解釋全因想知發生乜事：「嗰時我搵爸爸，係我好多嘢都唔知發生緊咩事，我唔係要搵佢嘅錢，或者要任何人嘅錢，我當時係覺得迷茫，我覺得害怕。如果我見到佢，我可能會話你可唔可以話我知，到底我細個發生咩事？我阿媽點解會咁？」