香港化粧品同業協會晚宴 政商名人出席齊賀38周年

好多人都同黛安講，香港嘅化粧品非常齊全，咁要多得業界不斷開拓新產品。香港化粧品同業協會喺前日（10號）晚上就舉行咗周年晚宴，原來協會已成立38年，會員涵蓋咗美容、美髮、化粧、美甲及零售批發，由世界500強到中小微企，由前綫員工、老闆到跨國總裁等，超過5,000人。

當晚好多前高官都出席撑場，包括前政制及內地事務局局長兼港區人大代表譚志源、前商務及經濟發展局局長蘇錦樑、前教育局局長吳克儉、前食物及衞生局局長高永文，好熱鬧！

聽公關姊妹講，過去一年業界做咗好多嘢，包括開拓粵港澳大灣區、同匯業財經集團合辦「小手機大智慧」講座系列、推動企業社會責任等。黛安都要為業界打打氣，繼續做好佢！