麥兜麥太齊放笑彈 海洋公園載歌載舞

去主題樂園慶聖誕，係黛安每年的指定動作。今年的「海洋公園聖誕全城HO HO HO」將於今個星期六（15/12）揭幕，昨日黛安應海洋公園CEO李繩宗（Matthias）邀請，率先入園欣賞今年的焦點活動，無諗過竟可遇上黛安至愛的卡通人物麥兜！

Matthias笑言今次與麥兜同麥太的合作，是兩大「香港製造」品牌首次聯乘，佢哋兩母子將在園內的怡慶坊登台，呈獻全港第一個麥兜音樂劇場《麥兜‧出走的魚蛋》。眾所周知，麥太的廚藝一向「了得」，今次兩母子除咗一如以往大放笑彈，仲會同一眾打算逃離麥太魔掌的食材發生連串驚喜的情節，黛安唔喺度劇透太多，保留少少神秘感等大家自行感受。

抽獎贏雙人來回機票

除了合家歡音樂劇，黛安亦有推介畀情侶。話說公園今年特別為40呎高的地標聖誕樹上，加裝了絲帶形的巨型LED屏幕環繞樹身，大家只要將相片上載到ig，並加上主題hashtag「#opxmas2018」，或以手機或微信掃描QR code，即可將照片上載到樹上曬恩愛！透過ig上載相片的人更可同時參加抽獎，有機會贏取雙人來回機票，免費到日本長崎、泰國清萊或越南峴港來個甜蜜之旅，一舉兩得！