恭喜！恭喜！今日麥明詩27歲喇，貴為10A港姐冠軍，佢當然要晒吓文采啦，喺IG撰文同大家分享過去一年嘅苦與樂：「還記得我去年生日時因個人經歷及輿論壓力感到巨大的挫敗感和傷痛，往後幾個月更續於自我矛盾及迷茫中掙扎著……成長就是在黑暗中仍展望明天太陽會出來……生日願望？不是明年順利開心 - 反而是明年能在不順利中仍懂得開心。」係咪好勵志先。段文一出，唔少粉絲都送上生日祝福，不過最驚喜嘅竟然係遠至荷里活嘅型男麥迪文，原來都想識麥明詩，佢仲inbox話對麥明詩好有興趣添，哇，呢鋪真係為港爭光喇！不過咪住先，呢位麥生只得65個followers咁大把，仲只係出咗一個post，擺明係A貨啦，想玩網上情緣騙案，不過大家唔好覺得誇張呀，之前先有一名港女被自稱英國哈里王子呃咗幾千蚊，到王子結婚，佢仲問點解新娘唔係佢，係咪好爆先？估唔到麥明詩生日流流，撞正騙子，乜咁邪呀！
麥明詩IG
「麥迪文」IG